لقاء كـ،ـ،ـارثي
و مع بداية يوم جديد مسحت نعيمه دموعها وهي قاعده علي الارض وقدامها شبابك زجاج ظاهر دبي كلها وبرج خليفه قدامها كانت شارده في دنيا تانيه قاعده حافيه و عاكسه رجلها و سانده بايدها الاتنين علي ركبها و عماله تمسح في دموعها
حست بصداع من كتر العياط والتفكير و مجهود السفر بمجرد ما وصلت أجرت مكان زي استديو صاله كل شبابيكها زجاج و غرفة نوم و مطبخ و حمام شنطها كانوا لسه في الاوضه زي ما هما يادوب فتحت خدت بچامه و محطتش ايدها في اي حاجه مكانتش حابه تقعد في فندق و حابه تبقي براحتها و البيت كان فاضي تماماً لا في اكل ولا شرب و لا حتي كل الادوات اللي ممكن تستخدمها في المطبخ بس مكانتش قادره تنزل ولا تعمل اي حاجه.
قامت بهدوء غسلت وشها و بعدين راحت فضت الشنط و طلعت كل حاجتها بس أضطرت تنزل عشان تجيب نسكافيه او اي حاجه في البيت نزلت مع نفسها بس لاول مره تحس انها معندهاش شغف و لا نفس لاي حاجه دبي اللي كانت بتروحها تبقي مبسوطه من الاجواء والشوبينج و الخروج كانت حاسه انها وحيده فيها و تايهه دخلت سوبر ماركت كبير بقت ماشيه تحط الحاجه اللي عيزاها من غير اهتمام و كل تفكيرها هعمل ايه ؟
هيحصل ايه ؟ هعرف اخرج من الحاله دي ولا لا ؟ هتفضل عندها قد ايه و هتقضي رمضان و الايام عموما ازاي بطولها من غير اي حد
خدت الحاجه وراحت حاسبت وقفت بره و خدت تاكسي لحد البيت و نزلت طلعت تاني علي فوق كانت مستغربه نفسها و الوضع الجديد
و حست باول مسؤوليه بتواجهها البيت و احتياجاته اكلها شربها ابتسمت وهي بتفتكر ليله لما بتنزل السوبر ماركت و تشتري هي و تجيب اللي ناقصهم و تطلع تظبط كل حاجه شالت الحاجه في الثلاجه و رصت باقي الحجات اللي هتستخدمها بره عنلت نسكافيه و بعدين راحت قعدت تاني مكانها علي الارض وقت طويل و ساعات و هي علي نفس وضعها التلفزيون وراها شغال و هي مدياه ضهرها و قاعده بتبص علي البلد كلها بليل…
………………
في مساء اليوم بدأ الاحتفال في المطعم المود العام كان حزين جدا علي الجميع فضل كان كفتبه عليه بعد الصدمه كام ساعه يختفي فيهم و يرجع تاني كأن مفيش حاجه حصلت و نزل الشغل و كان مركز و عامل زي الاله الشباب اتصلوا و كان بيرد بس بيقفل اي كلام في موضوع نعيمه واللي حصل
نادين راحت غصب عنها المطعم لان ايمي مش هتقدر و سلمي في شغلها
راحت بس ايه معاها و خدت نغم كمان عشان تغير جو و متسيبهاش لوحدها..
