لقاء كـ،ـ،ـارثي

مد فضل ايده بالورقه لعسال و هو باصصلهم ولسه بيترجم الصدمه جوه.

خد فضل من ايده الورقه و بصت نادين بسرعه معاه و بدأت علامات الصدمه تترسم علي وشهم فضلت نادين تهز راسها برفض و بعدين مسكت موبايلها بسرعه تتصل عليها كان مقفول

عسال…..يعني ايه ؟ وليه اصلا؟ انا مش فاهم حاجه حصل ايه بينكم يا فضل قولي

فضل…..بصدمه الورقه في ايدك يا ميدو انا زيي زيك يا صاحبي الاجابه عندها

نادين…..لا لا في حاجه غلط و هي موبايلها لسه مقفول

عسال…..شوفي نسمه اختها يمكن راحت عندهم اسألي ايمي شوفي ممكن تكون عند مين

نادين….لحظه لحظه افتكرت هي بعتالي ڤويس بس مسمعتوش يمكن تكون قيلالي حاجه

عسال….شوفي برضوا نسمه اكيد الورق اللي روحتي اديتيهولها ده في حاجه نعيمه ضحكت عليكي

فتحت نادين الڤويس وهي جنبهم
و بدات تسمع..

في الوقت اللي كان عادل صحي من النوم و خد الورق من نسمه و فتح الظرف يشوف ورق ايه..

بابا حبيبي انت عارف انا بحبك قد ايه وانتي يا ماما عارفه بحبك قد ايه يمكن هتزعلوا مني اوي بس كمان عارفه ان مهما زعلتوا مني قلبكم هيحن عليا و يمكن تفهموني و تودني عذر بابا انا عمري ما صغرتك ولا عمري قليت منك و لا كنت احب ابداً احطك في الموقف ده بس والله العظيم غصب عني لما هتشوف رسالتي هبقي سافرت بره مصر اكيد هوصل واظبط نفسي و اطمنكم عليا انا مش كويسه و حاسه اني محتاجه ابعد بابا انا انفصلت عن فضل
و بعتلوا كل حاجه تخصوا يمكن عملت معاه نفس ما عملت معاكم لاني لا كنت هقدر اقف قدامك ولا قدامه فضل انسان جميل و يجنن و غالي علي قلبي اوي مش هو سبب اللي انا فيه و لا كان يعرف اصلا اني مسافره بس زي ما قولتلك انا محتاجه ابعد حاسه اني متلغبطه و نفسيا مش احسن حاجه فضل يستاهل حد احسن مني بكتير حد يديه زي ما بياخد منه اسفه اني حطيتك في الموقف ده مع فضل بس انا عارفه انك هتسامحني و عارفه انك هتصلح اللي انا بوظتوا انا هبقي كويسه ماما انا بحبك اوي و مش عيزاكي تزعلي مني بس ادعيلي كتير و اطمني انا بخير

نسمه يمكن انتي اكتر حد كان نغسي اشوفوا بجد و اقولك اني بحبك اوي والله العظيم بحبك يا نسمه جايز كان معاكي حق في كل كلامك بس انا مش عيزاكي تزعلي مني خالص
و انا عارفه ان قلبك طيب وجميله و هتسامحيني و هتفهمني ان كلامي ليكي كان اصلا غلط بس انا مكنتش كويسه من قبل ما نتكلم يمكن كنت عايزه اقول لنفسي الكلام الي قولتهولك بس جات فيكي عيزاكي مبسوطه ديماًو عيزاكي بخير و الاهم تعرفي اني بحبك اوي