لقاء كـ،ـ،ـارثي
نزل نحت في الفندق عينه كانت في كل مكان و بعدين خرج وقف بره الفندق كان في وسط البلد حواليه محلات كتير و افتكر كام محل كانوا عاجبينها وقالت هتبقي تشتري منه راح يبص عليها وفضل يلف و يرجع
وبدأ يتوتر خاف يكون فيها حاجه طلع تاني فوق في الاوضه مكانتش موجوده كتبلها ورقه فيها رقم الموبايل و قالها لو رجعتي اتصلي بيا من الريسيبشن تحت .
نزل تاني فضل يبص ويلف عليها و حس انه فقد اعصابه بجد الساعه بقت سته وعشره و هي ملهاش اثر رجع وقف قدام الفندق و عمال يشرب في سجاير و يطلع الموبال و يبص عليه و فيييييين لمحها جايه من بعيد قرب عليها و هي اول ما شافتوا حست براحه قربت منه و هو قرب مسكها من دراعها بغضب بسيط
عشري…..انتي كنتي فين يا ليله انا بقالي اكتر من ساعه بلف عليكي و نشفتي دمي
ليله…..طيب اهدا
عشري…اهدا ايه وزفت ايه ؟ ايه اللي نزلك لوحدك و ليه مخدتيش الموبايل
ليله…انا قولتلك وانت كنت نايم
عشري….وانتي فييييين كل ده
ليله…..عشري انا كنت تايهه و الشوارع شبه بعض و مش عارفه اصلا اسم الفندق و كنت مرعوبه
بصلها بغضب و بعدين ضمها اوي
عشري….يا شيخه حرام عليكي انا قولت فيكي حاجه نشفتي دمي
ضمتوا ليله اوي و كان باين عليها التوتر بجد بعدها عنه وبصلها
عشري…..توهتي ازاي انتي مش عارفه المكان احنا نزلنا اكتر من مره يا ليله و المفروض انك عارفه اسم الفندق
ليله….مش عرفاه والله و انا مشيت كتير و دخلت من مكان لمكان و لاقيت نفسي سرحت و انا ماشيه بتفرج و بعدين توهت لحد ما لقيت اتنين عرب سألتهم عن فندق في وسط البلد هنا و وصفتلهم شويه اللي اعرفوا قالولي امشي ازاي انا مكنتش بعيده اوي بس الشوارع شبه بعض و عامله زي المتاهه
عشري…..بحب طب خلاص اهدي متخافيش خوفتيني يا ليله و بعدين صحيني طيب و انا هنزل معاكي
ليله….صعب عليا احنا طالعين متأخر و انت كنت نايم خالص بس قولتلك والله
عشري….كنتي خدتي الموبايل يا ليله
ليله….كنت هوصلك ازاي برضوا احنا مجبناش غير خط واحد
عشري….دي غلطتي انا لازم نجيب خط تاني نكلم فيه بعض انهارده
ليله….لا انا مش هنزل تاني من غيرك
عشري….بابتسامه توهتي يا هبله
ليله….بطل تريقه عشان اول مره اخاف وانا زي الشحطه كده و بعدين انت بتزعق ليه
عشري…..عشان خوفت عليكي انا مجاش في بالي انك تايهه انا قولت فيكي حاجه والله رعبتيني
