لقاء كـ،ـ،ـارثي

ايمي…..اه صح انا مبهوره بيها البت دي فاجئتني بجد يا ليله انا قولت هيجي منها بس يجي منها اوي كده لا متوقعتش بصراحه المطعم الريت بتاعه عالي اوي

نادين…..بابتسامه انتوا فاتكم الحفله بجد انا كنت راحه بعد حوار نعيمه ده تاني يوم و نفسيا مكنتش احسن حاجه بس بجد غيرتلي مودي و كنت مبسوطه لان الناس كانت مبسوطه بجد

ايه….وانا كمان الناس العاقله الهاديه اللي كنت بشوفهم قاعدين ياكلوا بهدوء ورقي اتجننوا بقي في حركه المطعم كان مهيبر اوي و انا ونادين كنا عمالين نلغ عليهم ونخليهم يكتبوا رأيهم بجد اتبسطت اوي و عايزين الفقره دي ديما

ليله…..بضحك انا عايزه اعرف بس ايه اللي جاب الفكره في دماغها انا شوفت الڤديوهات علي البيدچ لا كان في احتفال بجد وبهجه طلعت شاطره و يعتمد عليها

سلمي…..بصراحه اشهدلها و التيم اصلا في المطعم تحسي بقي ليه روح مختلفه بعد ما هي راحت

ايمي…..دي حقيقه الشيفات والناس اللي شغاله وماسكه المكان بيحبوها اوي و مبسوطين من طاقتها وروحها تجنن ريهام

ليله….ظبطيها ايمي و فرحيها تستاهل تفرح بنجاحها

ايمي….بأبتسامه عيب عليكي مستنياكي تقولي يابت ولا ايه اطمني حصل

ليله…..قدها يا كبيره

………………

مر يومين بعد مقابلتهم و كان لسه الوضع علي ماهو عليه الكل اكيد مضايق بس مفيش حاجه في ايدهم فضل بدا يتظاهر بانه بخير بيضحك و بيهزر و مفيش حاجه بس من جواه في شرخ و صدمه مش عارف يترجمها ..

البنات قلقانين علي نعيمه بس كمان واثقين انها بخير لان هي مش ماشيه بمشكله او صدمه زي ما حصل مع ليله هي ماشيه وهي حابه تبقي لوحدها وتفصل بس كان عدم وجودها فارق و الطبيعي ان الحياه ماشيه حتي لو ناقصها حد مهم مش موجود.

الكل كان متجمع في افتتاح الكافيه الجديد كان افتتاح كبير و ضخم الشباب مشغولين ورايحين جايين يتابعوا و يطمنوا ان كل حاجه ماشيه تمام..

في الوقت ده نعيمه كانت قررت تفتح موبايلها وتطمن علي اهلها و تطمنهم عليها هما والبنات يمكن طول الايام اللي فاتت كانت حابه تفصل بجد و تبعد عن الموبايل والكلام كانت حابه تكتشف نفسها و تقعد لاول مره مع نفسها جايز كان وقت صعب و الوحده مش ديما حل كويس بس قررت تتصل علي اهلها فتحت الموبايل و كانت مشغله خطها تجوال..

الساعه عندها كانت 11 و في مصر تسعه كان في فرق ساعتين.