لقاء كـ،ـ،ـارثي

………………..
عند سلمي

سلمي….بدموع معرفش والله يا حسان انا مش فاهمه حاجه بس هتجنن

حسان….فضل مبيردش علي حد تليفونه بيرن يا اما بيكنسل و محدش فينا عارف يعمل حاجه او يقول حاجه

سلمي….طيب تفتكر هي بجد سافرت نادين بتقول رجعت لقت العربيه و الحارس اداها المفاتيح قالها انه جري وراها الصبح بس هي مشيت مخدتش بالها و قالها انه شاف نعيمه بتركب عربيه و معاها شنط سفر تفتكر سافرت بجد ولا هي هنا وسابت عربيتها عشان نفكر انها سافرت فعلا

حسان…..جايز بمكن عملت زي ليله هي برضوا يوم ما مشيت كان معاها الباسبور و قولنا سافرت بس هنعرف طبعا المهم الوقت انا كل اللي فارق معايا هي وفضل ميدو بيقولي انه قافل خالص و قال كده انتهت

سلمي…لو سافرت بجد الدنيا هتبوظ بينهم يعني اتمني تكون مسافرتش اصلا وقتها ممكن الدنيا تتحل بينهم حتي انت و الشباب وعشري لما يرجع يقولولوا عادي زي ما ليله عملت و كانت مضايقه و مسافرتش هي كمان جايز مضايقه و يتصالحوا

حسان…..ميدو قال هو و نادين هيعرفوا و يردوا علينا بس ان شاء الله مش هتبقي سافرت

سلمي….يارب يا حسان حسان بقولك ايه انا بجد اسفه بس حاسه اني مش هقدر اروح اي مكان

حسان…..والله ولا انا انا اصلا اتقفلت خلاص يلا خلينا نمشي

…………….

نزلت نادين من الشقه بتاعت ليله و نعيمه عسال كان واقف تحت بيغطي العربيه بتاعت نعيمه قربت منه بهدوء

نادين….خلصت خلاص

عسال…..اه تمام برضوا مش عايزه تفضلي هنا يمكن ترجع

نادين….رفعت المفاتيح مفاتيحها فوق يا ميدو و سايبه العربيه و واخده كل حاجتها نعيمه سافرت

عسال….ويمكن مسافرتش

نادين….انا واثقه انها سافرت

عسال….حد رد عليكي

نادين ..لا لسه بس انا عارفه ان نعيمه مش هتعمل زي ليله ولا هتختفي في اي مكان نعيمه سافرت وانا قعدتي فوق ملهاش لازمه ولا هي و لا ليله هفضل ليه و لمين

عسال…..طيب خير ان شاء الله خليني اوصلك يلا و همشي هحاول اوصل لفضل

نادين…..تمام يا ميدو.

…………..

في منزل عادل في غرفة نسمه

نادر…..بطلي عياط يا نسمه اكيد هتتصل و هنفهم ليه عملت كده

نسمه….ماهي واضحه يا نادر عملت كده بسببي

نادر….بطلي هبل و هتعمل ليه كده هي مالها ومالك اصلا وبعدين من كلامها في الرساله واضح انها بتحاول تصلح اللي عملتوا معاكي و كمان مقالتش او لمحت بحاجه بينك و بين سليم هي اه متعرفش انك قولتلنا بس افتكر لو هي حابه تضايقك كانت لبستك معاهم