لقاء كـ،ـ،ـارثي
دخلت ليله خدت شاور و بعدين خرجت قعدت علي السرير و هي بتنشف شعرها و اتصلت باميمه تطمنها و خلصت و بدأت تتصل بالبنات عشان تطمنهم هما كمان و كالعاده بدأت بايمي .
……………….
عشري…..بصدمه يعني ايه سافرت و يعني ايه رجعتلك الدهب انا مش فاهم حاجه يا فضل
فضل…. بابتسامه هاديه زي ما بقولك ده اللي حصل بعتتلي الحاجه مع نادين و من غير اي سبب و لا توضيح ولا حتي كلفت نفسها تقولي ده في وشي
عشري…..في حاجه غريبه في نعيمه يا فضل و انت عارف بس اللي مش قادر افهموا ايه اللي يوصلها لكده و بعدين خلينا نقول مضايقه مخنوقه اعصابها تعبانه حابه تسافر و تفصل
انت مالك ماهي مش هتعمل ده الا لو حصل بينكم سبب قوي
فضل….مفيش اسباب يا عشري رسالتها ليا كانت واضحه تستاهل حد احسن رسالتها مع ابوها بتقول اني مزعلتهاش حتي رسالتها لصحابها بتوصيهم عليا بس اياً كان السبب خلصت مبقتس تلزمني ولا عايز اعرف
عشري…طب وحد الله وبلاش هبل من كلامك واضح انها مضغوطه يا فضل افهم واستني عليها
فضل…..صعب يا عشري صدقني خلصت خلاص اخر مره شوفتها كلامها كان غريب كنت حاسس ان فيها حاجه مضايقه مكتىبه بس كمان محستش اني مرتاح نعيمه كانت مذبذبه كانها مغصوبه عليا تقولي بحبك بس مبقتش حاسه اني متأكده تقولي مش قادره اكمل و عايزه بريك بريك من ايه مني انا طب ازاي وليه
عشري…..ادام مفيش سبب واضح يبقي نفهم علي الاقل و بعدين انت حر بس مينفعش تخلص كده
فضل…..هي اللي خلصتها و بطريقه وحشه متليقش بيا يا عشري
عشري…..حتي لو انت بتحبها وهي بتحبك وانت عارف ده كويس و بعدين ماهو محمود اخويا اهو كان بيمر بنفس حالتها و في يوم وليله قرر يسيبنا و يسيب خطيبته و يسيب الشغل و البلد كلها ونفسيته كانت زفت جايز هي كمان بتمر بنفس الحاله و دي بنت يعني حساسه اكتر يمكن الجواز و المسؤوليه عاملينلها توتر و دي حاجه عاديه بتحس بيها اي بنت
فضل….خلصت يا عشري صدقني نعيمه مسابتش اي عذر اقدر اديهولها ياريتها طلبت تسافر و تفصل و تبعد شويه بس وهي معايا لكن نعيمه قطعت حبل الوصال لما بعتت دهبها و شبكتها و سابتني برساله يا عشري
مهما كان اللي بتمر بيه مش هسامحها و لا عمري هسامحها نعيمه كامت مقرره من الاول بس احنا اللي مكناش فاهمين مشكلتها مع البنات و كلامها معايا انها تسيب الشغل مع نادين كانت بتمهد لحاجه بس انا غبي مفهمتش و مش اول مره يا عشري ابقي عامل زي الاطرش في الزفه مش اول مره ابقي واقف زيي زي غيري حتي ابوها لما كلمني سالني علي اي سبب مكنتش عارف اقولوا ايه لان مكانش في سبب
