لقاء كـ،ـ،ـارثي

نادين …طيب فين المشكله حلو

وليد….ما الكميه اللي طالبها كبيره

نادين….كبيره قد ايه يعني المحصول اللي عندك مش كفايه

وليد….لا كفايه طبعاً و يغطي بس انا خايف يقصر مع شغلنا لانه طالب فراوله كتير و انتي عارفه الموسم بيخلص و كمان عشري والشباب هيفتحوا الكافيه و المفروض انهم علي كلامهم يعني محتاجين طلبيه كبيره غير باقي الكافيهات والمطعم عندكم و الشغل اللي بره و مش عارف اظبط الحسبه بصراحه

نادين….امممم طيب قولي انت عايز ايه

وليد…..عايز حد يظبط معايا الحسبه دي عايزين نعرف نظبطها يعني انا يهمني الوقت اننا منقصرش مع الشغل الاساسي الناس اللي معتمده علينا في النهايه هو جديد الاقدم اهم ولا ايه و في نفس الوقت الراجل فلوسه حاضره و شكلوا معلم تقيل مش حابب اخسره

نادين…..خلاص نسألهم هيحتاجوا قد ايه من المحصول يكفي شويه لحد المحصول الجديد و بعدين نظبط الدنيا وحتي لو حسينا اننا مش هنقدر نغطي كل ده نديلوا عادي بس مش الكميه كلها اللي طالبها

وليد….تمام هو واضح من كلامه انه مش لاقي الكميه دي عند حد الموسم بيخلص و الكل بيشطب و في نفس الوقت برضوا من كلامه ان الفرز مش عاجبه

نادين….طيب وانت شايف ايه هو تمام يعني

وليد…..بصراحه حاج صلاح مش اول مرن يبعتلي حد و يبقي اي كلام ديما بيبعتلي ناس مظبوطه بس المرادي الشغل المطلوب اكتر و الراجل شكلوا محترم بصراحه حتي انا قولتلوا ان الكميه كبيره و ممكن يبقي صعب عشان احنا لينا زباين قديمه و مش حابب ازعل حد مني
قالي انا فاهم و ان شالله حتي تديني نص الطلبيه مش اقل عشان اعرف اظبط اموري

نادين….طيب هو انت ايه اللي حاسس انه مقصر معاك غير الفراوله

وليد….لا الفراوله بس عليها سحب جامد باقي المحاصيل موجود منها بس دي هتبقي اخر قطفه في الموسم عشان كده حابب اعرف انتوا والشباب هتحتاجوا قد ايه يكفيكم و بعد كده انا هشوف باقي الناس اللي تبعنا و الباقي ياخدوا هو

نادين….خلاص تمام انا هظبط انهارده و هسأل الشيفات في المطعم بكفيهم قد ايه و هرد عليك بليل

وليد…..بس متتأخريش القطفه معادها بعد بكره يعني بكره لازم نكون مظبطين مع الناس كلها عشان يجوا يشيلوا الفراوله ملهاش روح

نادين….سيبها غليا انا الوقت هقابل ميدو وفضل هناك معاه هتكلم معاهم و زي ما قولتلك هشوف المطعم و هرد عليك بليل