لقاء كـ،ـ،ـارثي
ليله….بس انتي انا مش فارق معايا غيرك انسي اللي حصل محدش فينا زعلان انا لو زعلانه بجد زعلانه عشان انتي مش معانا و الاهم اننا بنتحمل بعض في اي وقت وفي اي مكان ما انا كمان يوم مشكلتي نكدت علي ايمي وعليكم
ايه….بضحك احنا فعلا شكلنا نحس مش الشباب مش مكتوبلنا نفرح
نعيمه…. بابتسامه ايمي حقك عليا لو زعلتك او تعبتك في حملك وانتي مش متحمله اصلا
ايمي…..انتي اللي حقك عليا يا نعيمه انا مش زعلانه منك والله
نعيمه …نودي انا صالحتك بس بصالحك تاني وبحبك اوي
نادين….وانا بحبك بس هفضل زعلانه لحد ما ترجعي
نعيمه…هرجع والله بس ادوني شويه وقت انا محتاجه ارتاح اقعد مت نفسي اغير حجات كتير كانت غلط فيا و بالمناسبه يا ايه انتي وسلمي اعتذروا لنغم بالنيابه عني انا كنت فعلا قليلة الذوق معاها
سلمي….نوني انا مش هكلمك في حاجه الوقت وانسي كل الهبل والاعتذارات دي بس عشان خاطري فكري في موضوعك انتي وفضل حرام يا نعيمه فضل مش كويس
بصتلها بتأثر و سكتت
ليله…..ليه يا نعيمه بجد
نعيمه…..والله كده احسن ليه انا مش كويسه خالص و مش قادره اديه زي ما بيديني علي الاقل ابعد يمكن اكتشف اني غلط
ايمي….وترجعي تندمي بعد كده خدي بالك سيبك من كلام سلمي وانه مش كويس هو صحيح مش كويس بس مش طايقك و حقه كان لازم تتكلمي معاه
نعيمه…..عارفه وحقه يكرهني اصلا بس والله قدام شويه هو هيبقي كويس و هيعرف اني كنت صح المهم بقي سيبكم من كل ده انتوا فين كده خارجين من غيري يا اوطي خلق الله
ابتسموا كلهم
ليله….احنا في افتتاح الكافيه بتاع الشباب
نعيمه …بجد وبتكلموني كده عادي دول اكيد مش طايقني
ايمي….لا طبعا ميقدروش بقولك ايه ما تسلمي عليهم و تباركي و تقولي كلمه للراجل اللي متاثر ده
نعيمه….لا لا مش هعرف اوعي والنبي يا ايمي انا اصلا هقفل انا بس قولت اطمن عليكم
ليله…..تليفونك ميتققلش تاني و ياريت تعرفيني انتي فين بالظبط علي الاقل بس نبقي مطمنين متخافيش محدش فينا هيطب عليكي
نعيمه….حاضر هبقب ابعتهلكم والله خدوا بالكم من بعض و متزعلوش مني وبحبكم اوي واتبسطوا وانتي يا ايمي اعملي الحفله بقي عشان وانا جايه اجيبلك ليهم لبس حلو
ايمي…. بابتسامه حاضر بس بشرط هنفتح ڤديو وتبقي معانا وقتها
نعيمه….ان شاء الله
