لقاء كـ،ـ،ـارثي

نادين….مش هقول طبعا بس فضل اكيد هيقول لعشري

عسال….لا فضل لا هيقول ولا هيتكلم خليه في اللي هو فيه الوقت بس احنا لازم نعرفهم علي الاقل انا و الشباب نبقي مع فضل هو مش كويس

نادين…..انا همشي

عسال….هتروحي فين طيب لايمي ولا لمين

نادين….معرفش معرفش خليني بس امشي

عسال….يلا انا طالع وراكي انا كمان

…………………

خلال كام ساعه كان الكل عرف معادا عشري وليله طبعا محدش قالهم عشان ميضايقوش و ينكدوا عليهم

سلمي كانت في العياده و مستنيه حسان يجي و كانت بتعيط وعماله تتصل كل شويه عليها و مش مقتنعه انها سافرت و عماله تتصل ماسنجر واسناب و واتس مفيش بعتتلها رساله.

سلمي….بصي بقي انا اه مش طيقاكي بس والله العظيم يا نعيمه لو ما قولتي ان ده مقلب او حركه منك تعرفي غلاوتك بيها عندنا لا هقاطعك بجد لو دي حركه عشان تخليني نتصالح فا انتي كسبتي و محدش فينا زعلان بس فضل لا يا نعيمه بالله عليكي ما تعملي فينا كلنا كده ازعلي و احنا نزعل نتخاصم نتصالح نتعاتب بس مش كده انتي عارفه اننا مهما زعلنا هنفضل اخوات واصحاب بس كده لا يا نعيمه افتحي وردي و طمنيني و يا ستي انا اللي اسفه لو متحملتكيش او محستش انك فيكي مشكله بس انا اضايقت منك شويه عادي بتحصل اتحمليني زي ما بنتحملك لكن انك تبعدي لا يا نعيمه والنبي متعمليش كده فينا وفي فضل ردي عليا ارجوكي.

………….

ايه….سجلت و سكتت حوالي عشر ثواني ااا طيب بصي انا مش عارفه المفروض اقول ايه بس انا مش موافقه يا نعيمه اللي عملتيه غلط و يمكن مزعلني منك اكتر بكتير من كلامك او عدم سلامك عليا نعيمه انا اللي فهمتوا من المسدچ بتاعتك انك موجوعه و دي اكتر حاجه وجعاني لاني جايز متوقعتش انك تبقي واصله للحاله دي اللي انا مش فهماها بس صدقيني انا والله ورحمه ماما و بابا خلاص مش زعلانه منك بس يا نعيمه فضل ايه ذنبه فضل بيحبك وانتي بتحبيه طيب ارجعي و هنسيبك لوحدك بس تبقي وسطنا مش هينفع نبقي من غيرك مش هينفع نبقي خمسه يا نعيمه طيب بصي افتحي حتي و ردي علينا فهمينا انا ممكن اكون زعلتك فا انتي عسان كده مسلمتيش و اضايقتي من حاجه قولي عادي جايز اكون زعلتك غصب عني او من غير ما اركز او سلمي انا والله مسمحاكي بس مش هسامحك يا نعيمه لو بجد سافرتي قولي طيب انك في مكان قريب مش بره مصر طيب هو انتي روحتي اسكندريه زي ليله انا والله ما فاهمه حاجه ولا عارفه بقول ايه بس انا حاسه ان في حد ضربني علي دماغي مره واحده طيب كلميني انا و مش هقولهم انك كلمتيني هضحك والله و هقولك علي موقف حصل معايا من شويه اقولك مش هعاتبك مش هسألك ليه عملتي كده ولا فيكي هنهزر بس كلميني لو بتحبيني يا نعيمه…