لقاء كـ،ـ،ـارثي

البنات كانوا مبسوطين ان ليله راجعه بس كمان مضايقين عشان نعيمه مش معاهم و ليله اكيد هتضايق اوي هي و عشري

اما فضل فا كان طول اليوم شغل و بليل يروح ينام عادل كلموا و كان محروج مش عارف يقولوا ايه كان حابب يفهم لو في سبب او مشكله بينهم بس فضل رد عليه و قالوا انا زيي زيكم كان مكسوف منه اوي

بالنسبه للشباب عسال و سلامه و رشيد و حسان كانوا بيحاولوا طول الوقت يطمنوا عليه يروحوا شويه زايد يقعدوا معاه بس كان بيتعامل عادي جدا و مش حابب خد يفتح الموضوع نهائي وبيقفل الكلام من قبل حتي ما يتفتح

امه عرفت وابوه و محدش كان فاهم ولا عارف السبب بس نجود كانت مضايقه اوي وزعلانه و عايزه تفهم حصل بينهم ايه وصلهم للانفصال لانها كانت بتحب نعيمه.

في مساء اليوم اخيراً وصل عشري و ليله محمود راح خدهم و وصلهم لحد البيت سليم و عدي كانوا عند البيت سلموا عليهم و نزلوا معاهم الشنط و دخلوها جوه كانت راجعه ليله مبسوطه اوي…

عشري…..وحشتوني

عدي….وانت اكتر يا حبيبي

سليم….حمد لله علي سلامتكم زايد نورت

عشري….منوره بصحابها

ليله….حبايبي عقبالكم يارب

عدي….بابتسامه اللهم امين

عشري…..الشباب في الكافيه ولا فين

سليم…..اه علي و عمر و سليمان سايبينهم هناك

عشري….وفضل الواطي قولت هلاقيه معاكم

بصوا لبعض

عدي…فضل كمان في الكافيه في شغل كتير قولنا بس نيجي نشوفكم لو محتاجين حاجه

عشري…..انا هطلع ليله و هاجي ابص عليكم واشوف ابويا

عدي…..ماشي هنستناك مبروك يا عروسه

ليله….حبيبي يا عدي الله يارك فيك حودا تعبناك معانا

محمود….تعبكم راحه يا غاليه بقولك ايه امي بتقولك متجيبش اكل هي عملالكم عشاء

عشري….الله ييدها الصحه و يخليهالنا

ليله….تعبت نفسها ليه بس

محمود….مفيش تعب ولا حاجه عارفه انكم هترجعوا تعبانين يلا بتريد شي

عشري…..لا سلامتك شويه واعدي عليكم

محمود….ماشي يا اخوي

سليم…..تمام باي يا ليله

ليله…..باي يا حبايبي

طلع عشري و ليله كاموا مرهقين دخل عشري الشنط و قفل

ليله…..البيت وحشني اوي و مش قادره حاسه اني محتاجه اقعد في البانيو للصبح

عشري…..حمد الله علي سلامة القمر يلا ادخلي خدي شاور و ظبطي نفسك وارتاحي شويه انا هدخل الحمام و هروح اسلم عليهم

ليله….ماشي يا حبيبي

دقايق بسيطه و نزل عشري و سابها وراح علي الكافيه..