لقاء كـ،ـ،ـارثي
نادين….بابتسامه حاضر يا بابي
عسال…..بضحكه جميله قلب بابي باي
نادين….باي
حدفت نادين الموبايل علي السرير وخدت اللبس و دخلت بسرعه علي الحمام شويه و خرجت كملت لبسها وهي عماله تروح وتيجي بسرعه ظبطت شعرها و جريت عملت ساندوتش و ايس كوفي و جريت بسرعه خدت الشنطه اللي نعيمه سابتها والرساله
نادين…..يخربيتك يا نعيمه حاطه ايه في الشنطه دي كلها
خرجت خدت الايس كوفي حطته فوق الشنطه و الساندوتش في بوئها افتكرت الموبايل راحت بسرعه خدتوا و نزلت فتحت العربيه و حطت البوكس و شنطتها والموبايل وجريت ركبت
ابو امير الحارس لمحها خرج بسرعه عشان يديها مفتاح العربيه بس هي طلعت و مخدتش بالها كمان من عربيه نعيمه مسكت الموبايل واتصلت علي نسمه و برضوا مركزتش في رسايل الواتس كانت مستعجله و طنشت كل ده.
نسمه…..بابتسامه اهلا يا نودي
نادين…..قلبي يا نسوم صباح الفل
نسمه….صباح ايه بس الساعه ثلاثه وربع
نادين…..بضحك معلش بقي راحت غليا نومه وادام انا لسه صاحيه يبقي صباح الفل
نسمه…..صباح السكر يا ستي
نادين…..هو انتي فين
نسمه….انا في البيت
نادين….منزلتيش انهارده شغل
نسمه…..لا بكره عشان اول امبارح وصلت الشغل هو بيبقي كل يومين او ثلاثه الا لو الحاجه خلصت وطلبوا
نادين…..اممم انا كنت بحسبك راحه زايد
نسمه…..لا مش راحه بس قوليلي في ايه طيب
نادين….مفيش انا راحه هناك و قولت اشوفك عشان نعيمه مدياني ورق ابعتهولك او ابعتوا لدولا والله ما فاكره قالتلي ايه كنت نايمه
نسمه….ورق ايه ؟
نادين….وانا ايش عرفني انتي كمان و انا مالي
نسمه….بضحك طب خلاص متزوقيش ممكن حاجه تخص البنك اصل سمعت بابا امبارح بيتكلم مع ماما عن ورق و بنك و مصالح حكوميه
نادين….بتضحك وانتي راميه ودنك معاهم ليه
نسمه…..والله ابداً هما اللي صوتهم كان عالي بس مكنتش مركزه
نادين….ماشي طب ايه اجيلك و تنزلي تاخديهم مني
نسمه…..ماشي بس نعيمه مجاتش ليه
نادين….اممم معرفش شكلها عندها مشاوير و مش فاضيه
نسمه…اممم مش فاضيه طيب عموما تعالي واطلعي مش هنزلك
نادين….لا بصي انا عندي مشاوير قد كده يعني انا هجيلك واطير الوقت بس هعمل مشوارين بسرعه وهجيلك في طريقي
نسمه….طب اطلعي شويه
نادين….والله العظيم ما هقدر يا نسمه خليها مره تانيه
