لقاء كـ،ـ،ـارثي
كان نفسي اقولوا الحمار اللي كان خاطب بنتك ميعرفش عنها حاجه ميعرفش انها قررت و حجزت و سافرت و باعت و صعب عليا الراجل مكسوف و هو بيكلمني بس مضطر
عشري……طيب وحد الله و اهدا انا عارف ان الموضوع صعب و انت لسه مش مستوعب لانك مش فاهم بس انا واثق ان الامور هتهدا
فضل……الموضوع مش صعب انا زي الفل و حتي لو الانور هديت معاها فا هي خلصت بالنسبالي نعيمة خرجت بره حياتي من اول ما قررت تسيبني برساله يا عشري و عشان خاطري لو انا غالي عندك يا اخوي متفتحش الموضوع ده تاني انا فتحته بس عشان انت مكنتش تعرف بس انا مش عايز اتكلم فيه تاني
عشري….بهدوء و حزن طيب كيف ما تريد بس الله يخليك هدي و خلينا نستني نفهم
فضل….ما بدييش…
افهم يا عشري خلصت خلصت خلاص بصلوا عشري و سكت مكانش عارف يقول ايه طبطب علي كتفه و سكت خالص كان حاسس بنبرة صوته و خنقته و حاسس انه مجروح من الطريقه اللي نعيمه سابته بيها
………………
بعد حوالي ساعه ونص طلع عشري ليله كانت واقفه قدام البار بس من جوه المطبخ و باصه علي الريسيبشن و ساكته و ملامحها باين عليها الانزعاج فتح عشري بالمفتاح و دخل بهدوء و قرب من البار قعد علي الكرسي و بصلها
عشري …شكلك مضايق تبقي عرفتي اللي حصل مش كده
هزت ليله راسها
ليله…..فضل عامل ايه ؟
عشري….مش كويس خالص كلمتي نعيمه؟
ليله….لا انا كلمت ايمي و البنات هما اللي حكولي كل حاجه و بيقولوا ان من وقتها متصلتش ولا فتحت موبايلها ولا استقبلت المسدچات حتي الاكونتات بتاعتها محاولتش تفتحها
عشري…..يعني ايه ؟ مطمنتش حد عليها لما سافرت؟
ليله….لا و لا حتي ابوها وامها انا مش فاهمه حاجه دماغي هتقف من كتر التفكير انا صحيح كنت عارفه ان نعيمه مش كويسه و اخر مره روحتلها انا وايمي حالتها مكانتش احسن حاجه و يمكن لمحت وقالت انها عايزه تبعد فتره او تفصل بس مجاش في بالي انها ممكن تسافر و حتي لو هتسافر بس انها تسيب فضل انا في صدمه بجد و مش قادره اقتنع ان محصلش بينهم اي حاجه حاسه ان في مشكله او حاجه ضايقت نعيمه من ناحيه فضل
عشري…فضل اتكلم معايا يا ليله مصدوم ميعرفش اي حاجه ولا فاهم اي حاجه و انا بفهم فضل كويس لو كان حصل بينهم مشكله سوء تفاهم كان حكالي بس مفيش المشكله ان فضل قفل قفله وحشه اوي و رافض يتكلم في الموضوع هو حكالي بس لاني مكنتش اعرف عرفت من اخواتي و روحت سألتوا قالي اللي حصل و بعدين كلمت رشيد و ميدو لان هو اللي كان معاه ساعتها قالولي فضل من وقت اللي حصل رافض يتكلم و بيصد اي حد فيهم يفتح الموضوع و عديت علي امي قالتلي ان فضل اتخانق مع نجود عشان عرف انها اتصلت بام نعيمه قالها حابه تكلميها عادي اتكلمي لكن تتكلمي في الموضوع ده لا حتي لو هي كلمتك فيه قفلي عليه و قوليلها دي رغبة فضل
