لقاء كـ،ـ،ـارثي

سلمي…..بجد شكراً يا ليله انك قولتي الفكره دي البت حقيقي محتاجه تغير جو تتشغل تجيب فلوس عشان متحسش انها عيبئ

ليله….سكرا دي لأيه هي اللي فكرت فيها انا اقترحت فكره بس يا سلمي بس في العموم هي حقيقي بظروفها دي تستاهل و كمان فهموها انها تتصرف صح بالفلوس يعني تجيب بس احتابجتها و توفر الباقي في النهايه هي مش هتفضل عندكم وده مش عشان هي تقيله عليكم انا عارفه لو قعدت بدل اليوم سنه هتشيلوها و ربنا يبارك في حمودي بس هي نفسها مش هتبقي مرتاحه اي حد فينا مش بيرتاح غير في بيته

خليها توفر من الفلوس عشان تقدر تقف علي رجلها وتجيب بيت وانتي يا نادين ظبطي الدنيا معاها شويه و فهميها تمشي نفسها ازاي متستخسريش فيها اي نصيحه

نادين…..لا طبعاً هعمل كده والله

ايمي…..هو مفيش جديد في البلاغ اللي عملتوا

سلمي……لا في طبعاً خالتها و جوز اختها بيتحقق معاهم بس شكلها ست قادره معاها محامي شمال اول امبارح اتواجهت معاهم في النيابه كانت مرعوبه البنت بصراحه بس احنا كنا معاها و مضوا علي محضر عدم تعرض وبصراحه وكيل النيابه محترم اوي و كمان حسان اتواصل مع حد يعرفوا اللي كان موجود وقت نعيمه ما اتحرقت وحصل مشكله في المستشفي و ده راجل تقيل بصراحه يعني الحمد لله الدنيا تمام بس مش عارفه حاسه انها هتطلع منها برضوا لان هي كمان ليها معارف

ليله……كفايه فضيحتهم و ان شاء الله هتاخد حقها المهم بس محدش ياذيها ولا يأذيكم و لو معرفتش تاخد حقها منهم اهي حاولت و المهم تبص لحياتها بقي

ايه….انتي عارفه ان هي و جوز بنت اختها اتجوزوا بعد ما نغم هربت تاني يوم و المحامي بتاعها في النيابه قال لنغم تتنازل و مريم خالتها مستعده تديها فلوسها و فلوس اختها اللي كانت مع جوزها

ليله…..خايفين شكلهم طيب هي قالت ايه

سلمي…..رفضت طبعاً بس هو بيحاول يزن كتير هي واضح ان شغلها كبير و خايفه علي سمعتها انا بس اللي مخوفني ان الموضوع يتلعب فيه و متاخدتش حقها

ليله……لا ان شاء الله خير هي بس تركز في حياتها و شغلها و تقف علي رجليها جواز خالتها اصلا يدينهم اكتر و هيثبتوا ان كان في علاقه غير شرعيه و هي اختها عايشه

سلمي…..خير ان شاء الله عموما انا هقولها انهارده وهي اكيد هتوافق و هتفرح اوي

ليله….بأبتسامه طيب بمناسبه الشغل انا شايفه المطعم خربان و البيدچ مولعه علي الاخر واضح ان ريهام خاربه الدنيا