لقاء كـ،ـ،ـارثي
ليله….فهماكي ساكته ليه يا ايمي ما تقولي حاجه
ايمي….مش عارفه يا ليله و بصراحه حاسه ان انا ممكن اكون سبب في كل ده
ليله….ليه بتقولي كده
ايمي…..عشان نعيمه جاتلب انا قولتلها تعالي و اتكلمت معاها و بصراحه جايز اكون ضغطت عليها وطلعتها غلطانه في كل اللي حصل بينها وبين سلمي وايه و نادين و بعدها تاني يوم هي سافرت
ليله….لا بس انتي اكيد مش سبب كلنا لما بنغلط و بنتكلم مع بعض حتي لو ينا غلي بعض مبنزعلش و نعيمه ليها اكتر من موقف و كنا بنبهدلها كلنا وعادي مش لدرجه السفر
ايمي…..معرفش يمكن التوقيت في العتاب كان غلط مش عارفه يا ليله يارب بس تبقي كويسه واحسن دي اهم حاجه الوقت
ايه….ان شاء الله هتتصل و تطمنا و تبقي كويسه
ليله….طيب في حاجه مهمه عايزه اتكلم فيها معاكي يا نادين
نادين….قولي يا ليله
ليله….بخصوص قرار نعيمه في الشغل معاكي هي طبعا بعد ما سافرت بتأكد ان قرارها واضح وانها عايزه تسيب الشغل
نادين…..ايوه صح و انا هظبط الدنيا و احطلها المبلغ بتاعها في الحساب
ليله….لا مش هتعملي كده نادين هو انتي عندك مشكله تشتغلي من غير نعيمه يعني و جودها ظعاكي كان فارق؟
نادين….هو اكيد فارق طبعاً بس عادي اني اشتغل لوحدي في النهايه لو هي مش موجوده حتي لو ده هيخسرني كتير و الشغل هيرجع يقل علي حسب راس المال بس هشتغل وهكمل
ليله….لا بصي انتي لا هتخسري ولا راس المال هيقل
نادين….ليله انتي عارفه رأيي في الموضوع ده كويس انا مستحيل اشتغل بفلوس مش فلوسي و لا هقبلها علي نفسي لو مش هتاخدوا من الربح زيي زيكم
ليله….تمام هتكملي بما انها مش عايزه الفلوس و هتعتبري ان نعيمه شغاله معاكي
نادين…انا قولتلها كده هكمل واشتغل وانتي ابعدي و خدي وقتك قالتلي من اللحظه اللي قولتلك فيها اني هنفصل عنك في الشغل مش هاخد ربح يوم زياده
ليله…تمام شوفتي كلامها ده
نادين….اه
ليله….ترميه في الزباله ولا مأنها قالت حاجه خديها علي قد عقلها و كملي و هي شريطتك نعيمه مش واعيه وقراراتها كلها مش متزنه واحده مضغوطه فا بتلطش و بيتهيألي مينفعش ابداً نسيبها تهد كل ده عشان قرار خدته و قت هي نفسها مش دريانه بروحها انتي قولتي هتقدري تكملي يبقي تكملي و هي شريكتك ربحها انتي عارفه اننا بنثق فيكي كويس الربح اول باول يا اما تحطيه في حسابها او تشغليه بطريقتك لو حاسه ان ده هيبقي لوود عليكي و محتاجه مساعده شوفي اي بنت تشتغل معاكي مؤقتاً زي موظفه تساعدك و مرتبها هيتقسم بينك انتي و نعيمه عادي و برضوا هتبقي فتحتي باب رزق لبنوته ممكن تبقي محتاجه الشغل ده و في نفس الوقت مسمعناش كلام نعيمه ولا مشينا وراء غبائها نعيمه مسيرها تهدأ و ترجع تاني لعقلها بس مش عايزينها لما ترجع تحس بالندم انها خسرت كل حاجه شغلها فضل حياتها فهمتي يا نادين شيلي من دماغك كلامها و شيلي من دماغك مبدأك اقفي جنبها بعقل لان هي حالياً معندهاش عقل
