لقاء كـ،ـ،ـارثي

نادر حبيبي هتوحشني خد بالك من ماما و بابا ونسمه هطمنكم عليا اكيد بحبكم اوي….

……………

فتحت نادين التسجيل و بدأت تسمع و هما واقفين جنبها…

نعيمه بصوت بيضحك ويعيط في نفس الوقت..

نودي حبيبة قلبي لما تصحي هتلاقي رسالتي مش عيزاكي تزعلي مني مكانش قصدي اكدب عليكي بس لو كنت قولتلك مكنتيش هتسيبني انا بحبك اوي و انتي غاليه علي قلبي اوي و اختي اللي امي مخلفتهاش انا بس طالبه منك طلبين اول طلب توصلي الشنطه لفضل والرساله لبابا و تاني طلب عيزاكي تبقي تبعتي الڤويس ده للبنات لاني مش في الشات خليهم يسمعوا كلامي..

سلمي ايه ايمي ليله بحبكم اوي و حقكم عليا لما تسمعوا الڤويس ده هكون سافرت بره مصر

بصت نادين بصدمه ايهم وهي دموعها نازله و حطت ايدها علي بوئها..

نعيمه بدموع انا بس عايزه اقولكم ان القرار ده هيريحني كتير لاني مش كويسه خالص حاولت والله العظيم بس اكتشفت اني حتي وانا بحاول بغلط اكتر و بعك الدنيا اكتر كمان بضحك من بين دموعها و بصراحه انتوا جيبتوا اخركم مني

نادين انا اسفه اني هحطك في الموقف ده مع فضل و بابا بس والله ما كنت هقدر اعمل ده بنفسي لولي هتوحشيني يا قلب اختك مبسوطه عشانك اوي و مش عيزاكي تزعلي لما تعرفي و اتمني البنات ميرعوفوكيش الا لما ترجعي بس انتي هتعذريني انا محتاجه اكون لوحدي فتره ايمي انا بحبك اوي وانتي عارفه و اللي بينا كبير انتي اكيد فهماني

كملن بدموع لومي و ايه كل مره بعملكم فيها بلوك بتقولوا مجنونه وهتعقل و فعلا بفكه علي طول و بنرجع نتصالح وانا لما حبيت اصالحكم نزلت دموعها لاقيتكم انتوا عملتولي بلوك ضحك صرتحه حقكم انا جيبت اخركم بس انا عايزه اقولكم حاجه انتوا تشرفوا بلد و انا اللي ليا الشرف اني صاحبت بنتين زيكم جايز اي حاجه بقولها وقت عصبيتي مببقاش قصداها انتوا عارفين زي ما ليله بتقول ببقي خايبه بس المرادي انا كنت خايبه اوي معاكم انا اسفه و الله العظيم اسفه اتمني تسامحوني حتي لو هتفضلوا عمالين بلوك حتي لو اكتشفتوا اني انا اللي مشرفكوش حقكم بس علي الاقل سامحوني انا بحبكم اوي و مش عايزه حد يزعل مني كان نفسي اعتذر بنفسي قبل ما امشي بس مفيش نصيب انا الفتره دي عكيت الدنيا عالاخر و كنت اوحش صوره من نفسي اكيد بس انا هبقي كويسه و مش هرجع الا لو بقيت احسن صوره من نفسي عشان اقدر اشرفكم و ابقي لايقه عليكم اكتر ايمي خدي بالك من نفسك و من الحمل و متضايقيش و انتي كمان يا لولي انا هبقي كويسه و اما اوصل واهدا كام يوم كده هبقي اطمنكم عليا قولوا لفضل يسامحني واي حاجه يقولها عني محدش يزعل منه هو معاه حق في كل حاجه بحبكم يا بنات و هتفضلوا ديما اغلي واهم حاجه عندي اشوفكم علي خير