لقاء كـ،ـ،ـارثي

نسمه….بس هي ملهاش تفسير غير كده يا نادر اشمعني قررت تبعد و تسافر و تسيب فضل بعد اللي حصل معايا انا وهي ليه سابت فضل بعد ما قالتلي سيبي سليم

سليم….واضح ان نعيمه طلعتوا عليكي و خلقت مشكله و سبب تافهه زي ما لمحت يعني لا انتي و لا سليم السبب هي شكلها مضايقه من حاجه و جات فيكي

نسمه…..مش عارفه هو انتوا طيب ليه ساكتين ليه انت وبابا متصلتوش بفضل

نادر ….هنتصل اكيد بس بصراحه انا مش عارف اقول ايه او اعمل ايه وابوكي بره من وقت ما شافت الرساله ساكت و باين ان ضغطه عالي وشه احمر اوي و انا مش حابب اضايقه و ماما مش مبطله عياط هنكلموا اكيد بس مش انهارده لان هو كمان اكيد مضايق و ممكن ميردش هو سليم عرف حاجه

نسمه…..انا مقولتش حاجه و هو كمان مقالش مش عارفه يمكن ميعرفش او عرف و مش عارف يقول حاجه في النهايه فضل ابن عمته يعني مضايق عشانه انا بس بحاول افهم او افكر في اي سبب تاني مش لاقيه و لو فعلا ده السبب الي خلاها تسيب فضل ليه طيب هما ايه ذنبهم وبعدين انا مكنتش هعمل مشاكل والله بس لو هي بتضغط عليا او بتحاول تشوف هعمل ايه للاسف دي مش طريقه للتفاهم خالص

نادر….عارفه يا نسمه لو كنتي قولتي ترجع و انا هعمل اللي هي عيزاه كنت وقتها هشك في انك بتحبي سليم

نسمه….سليم ملهوش دعوه يا نادر و لا انا و انت قولتها لنعيمه انا وسليم علاقتنا بقت اكبر من اننا نسيب بعض عشان اسباب مش هتحصل اصلا

نادر….اكيد و عموما انا عايزك تهدي و تبطلي عياط و خلينا نستني نعيمه تتصل و تفهمنا و نطمن بس عليها الاول و بطلي عياط عشان ماما و بابا علي اخرهم اصلا

نسمه….ماشي يا نادر

نادر….انا خارج اشوفهم

نسمه….تمام

…………………..

علي الساعه 12 بليل وصل رشيد و كان باين علي ملامحه انه مش في المود خالص

رشيد…. ايه يا حبيبي عامله ايه

ايمي….الحمد لله مفيش اخبار عن فضل

رشيد…..بعت لميدو ڤويس قالوا انه كويس و في البيت بس مش قادر يتكلم الوقت

ايمي….طيب المهم انه في البيت و بخير

رشيد….الحمد لله ونعيمه مفيس اخبار عنها

ايمي…..بهدوء هزت راسها لا مفيش موبايلها مقفول حتي الاكونتات بتاعتها متفتحتش من امبارح الفجر

رشيد…..ووووف خير ان شاء الله

ايمي….يارب

……………..

انتهي اليوم علي الجميع و كانت ليله حزينه علي الكل ….