لقاء كـ،ـ،ـارثي

ابتسمت نادين وركنت

نسمه…..القمر بتاعنا

نادين….عامله ايه يا هباه اللي مشحططاني انتي واختك

نسمه….انا مالي اختي مش انا بقولك ايه بالله عليكي اطلعي شويه و الله ماما مستنياكي

نادين…والله العظيم ما هقدر سلمي عليها كتير و بوسيهالي بوسه كبيره و هجيلكم والله هشوف البت نوني جايه عندكم امته وهاجي معاها

نسمه….وعد و لا بتثبتيني عشان تخلصي مني

نادين…..والله العظيم وعد امسكي بقي الظرف بتاعكم اهو جوه الشنطه

نسمه….بضحك كل الشنطه دي عشان الظرف ده

نادين….اتريقي عشان انزل اضربك يلا يابت علي فوق

نسمه….بضحك ماشي يلا علي مهلك

نادين…. بابتسامه باي يا قلبي

نسمه….سلام يا نودي

اتحركت نادين و هي في ايدها الموبايل فتحت الواتس كان عندها رسايل كتير اوي من ضمنهم رساله من وليد وكام صوره لايده فتحت الڤويس

وليد….صباح الخير يا استاذه نودي بصي بقي انا جايب اخري من جوزك و منك و من صحابك و شكلي هولع في المزرعه ايدي دي من النحل اللي الاستاذ ميدو جابه علي هنا اتهريت قرص لو اتسمتت هبلغ عنكم

ضحكت نادين و بعتتلوا ڤويس

نادي….بصحك مساء الفل يا احلي لودي بص بقي انا لو منك اتخانق معاه و مع زوزو عشان هي السبب ده اولاً ثانياً انا اتقرصت قبل كده عند زوزو في البيت حط ايدك تحت مايه شويه و اوعي تهرش فيها عشان متوجعكش و لما اتقرصت كانت القرصه ليها علامه كده اضغط عليها عشان ميدو قال انها بتسيب جزء منها في الجلد و هات اي كريم من الصيدليه يهدي الوجع و عرفوا ان في نحله قرصتك و ممكن ابقي اسأل ميدو علي الكريم اللي حطيتوا وقتها كان حلو اوي و حقك علينا يا باشا متزعلش هنبقي نفتكرك بعسل

بعتت ناظين الڤويس و كملت فتح في المسدچات لحد ما لمحت الڤويس اللي نعيمه بعتاه فتحت و اول ثانيتين اتصل عليها وليد

نادين…..بابتسامه اوعي تشتم

وليد…..بضحك انا عايز اشتم و اضرب واعمل مصايب ايدي بتحتضر

نادين….بضحك بعد الشر عليك و علي ايدك اعمل زي ما قولتلك انت سمعت الڤويس

وليد….اه سمعت

نادين….يطب خليها تحت المايه شويه و هشوف انا اسم الكريم و ابعتهواك انت اصلا بتعمل ايه كل ده في المزرعه

وليد….لا انا مشيت خلاص سيبك بقي من القرصه دي كنت عايز اقولك علي حاجه بهصوص المزرعه

نادين….خير

وليد…..انهارده في واحد الصبح كلمني قالي من طرف حاج صلاح وعايزك في شغل بخصوص المزرعه هشوفك امته قولتلوا انا في الطريق قالي خلاص هستناك انا قريب منك وروحت لاقيته فعلا و اتكلم معايا و عايزنا في شغل هو عنده محلات عصاير و محتاج فاكهه بكميه حلوه