لقاء كـ،ـ،ـارثي
نادين…..انا مضايقه اوي بجد عايزه اطمن عليها اهم حاجه خايفه تكون مش كويسه و في نفس الوقت خابفه تكون ناويه تطول هناك بعني مش كام يوم ولا حتي اسبوع
سلمي…..شكل ده اللي هيحصل يا نادين بعني لو مكانتش سابت فضل كان ممكن تخلص علي كام يوم بس هي شكلها مطوله
نادين…..طيب هتقضي رمضان لوحدها ازاي و بعدين انا خايفه وقت فرحنا متنزلش ولا تحضر عشان متشوفش فضل
ليله….ان شاء الله خير هي بس تفتح و تطمنا عليها وبعدين تتحل
ايه…….انتوا عارفين ان افتتاح الكافيه بعد يومين
ليله…..اه عشري قالي ان الشباب خلاص جهزوا كل حاجه
سلمي…..ياريتها كانت معانا معرفش ليه اي مناسبه بتحصلنا لازم يحصل حاجه تنكد علينا
ايه….صحيح يا ايمي هتعملوا ايه في حفلة جنس المولود
ايمي….لا كنسلوها بقي او اجلوها لحد ما نشوف نعيمه
ليله….متكنسليش حاجه يا ايمي احنا لسه منعرفش نعيمه ناويه علي ايه و بعدين مش يمكن ده يبقي احسن علي الاقل نحاول مع فضل نتكلم نهديه نغير موده فضل قافل خالص يا ايمي
ايمي…..هنعملها من غيرها ازاي بس انا حتي مش عارفين نطمن عليها
ليله…..مش هنعملها غير اما نطمن و تتصل علينا و ياستي وقتها ابقي صوريلها او نفتح معاها ڤديو كول و يمكن لما نكلمها نقنعها ترجع و نصلح اللي باظ بس صدقيني اننا غير المود بعد اللي حصل دي حاجه حلوه ليها هي وفضل
سلمي…..بس افرضي فضل هدي و هي فضلت مصممه علي قراراها احنا برضوا مش عايزين نتكلم مع فضل في حاجه الا لما نعرف هي عايزه ايه بالظبط فهماني جايز فضل متعصب الوقت واخد الموضوع علي كرامته شويه بس ممكن يهدا يقتنع بكلامنا و يتعشم و فجأه نلاقي نعيمه لسه مصممه وقتها الموضوع هيبوظ اكتر
ليله…..ده اللي مخوفني يا سلمي بس نعيمه بتحب فضل انا لما انحطيت في المشكله مع عشري لا كنت طيقاه ولا عايزه اشوفوا بس في نفس الوقت من جوايا مش هقدر ابعد و وقتها كان في مشكله يعني حتي لو مرجعتش معايا كل الحق و الاسباب اللي تخليني متمسكه بقراري لكن نعيمه لحد الوقت مش مفهوم قرارها ده هل هو بسبب ضغوط عاديه و لا في سبب بينها وبين فضل محدش راضي يتكلم فيه
نادين…..مفيش حاجه بينهم ميدو قالي ان فضل مش عارف هي ليه عملت كده و كانت قبلها معاه و فعلا لما تعبت و كنت معاها فضل جالها وخدها بليل و قعدوا مع بعض و تاني يوم كلمها قدامي يعني لو زعلانين مش هيتكلموا فهماني
