لقاء كـ،ـ،ـارثي

سلمي….بضحك هخلص بكره

حسان…..بضحك اخلصي بدل ما اجيلك

سلمي…..لا مليش دعوه انا بتتعبني و بتقعد تجر فيا زي الحرامي و مبتسيبنيش ارتاح

حسان…..لا والله انا اقدر هسيبك ترتاحي و مش هجر فيكي بس عايزين نخلص يا سلمي

سلمي…..ما احنا هنخلص فعلا دول يومين بس كسروني اقولك علي حاجه انا غيرت رايي مش عايزه اتجوز

ايه….بضحك ولا يهمك يا حسان هجيبلك عروسه احلي

سلمي….يلا يا جزمه ما انتي لما تبدأي في الجد و تنزلي هتعرفي اللي فيها

ايه….لا ملكيش دعوه انا بحب الفرهده و فرط الحركه

حسان…..ملكيش دعوه يا ايه يا رخمه انا هنزل مع حبيبتي القمر اللي بتسمع الكلام

سلمي…..بضحك انت بتثبتني صح

حسان…..انا مقدرش ده انتي روحي

سلمي…..طب انا بقي لازم ارجع عشان اعمل الاكل انا وعدت بابا اعملهم بيتزا

حسان…..هجيبلك انا من بره و تروحي تاكلي علي طول يا ستي و بلاها تعب وفرهده

سلمي…..لا مبحبش بتاعت بره انا

نغم…..بابتسامه طيب هو ممكن انا اعملكم البيتزا انهارده انا بعرف اعملها حلو اوي و روحي معاه خلصي مشاويرك

حسان…..تصدقي بالاه انا حبيت نغم خلاص

سلمي….بضحك حبيت نغم

حسان……اه الكل بيحايل فيكي اهو

ايه…..خلاص روحي معاه وانا ونغم هنقعد نلعب مع بعض

سلمي…..لا يا شيخه مش قولتي هتنزلي تشوفي المحل

نغم…..روحي انتي وهي انا هعمل والله خلاص وبعدين انا تعبت من الراحه و كمان عشان احس اني بعمل حاجه اساعدكم بيها

سلمي….بضحك انتوا معاه ولا معايا

حسان…..نغم

نغم….بأبتسامه ايوه

حسان…..هبعتلك شوكلت مع سلمي

نغم…بضحك شكراً لحضرتك

ايه…..وانا يا جوز اختي

حسان….وانتي يا احلي يويو

سلمي…..خلاص اتفقتوا عليا طب يكون في علمكم لو رجعت خلصانه من اللي بيعملوا فيا هقعد و هحط رجل علي رجل و هتأكلوني كمان

نغم….ماشي هنأكلك متقلقيش

حسان…..خلصي بقي هتخلصي شغلك امته

سلمي…..علي ثمانيه ارتاحت

حسان…..بضحك اه ارتاحت هكلمك و نتقابل

سلمي…..ماشي يا رخم

حسان….يلا باي باي يا بنات يا قمر

ايه….باي يا حسونه

نغم….بضحك مع السلامه

قفلت سلمي و بصتلهم بغيظ

ايه….اجري يا نغم بسرعه هتتحول

سلمي….انا نفسي اشرب من دمكم انتوا الاتنين

ايه….احنا مالنا مش انتي اللي عايزه تتجوزي مين هيروح يختار حاجتك

سلمي…..انا امبارح يا جزمه مكنتش حاسه برجلي رجعت لاقيت صوابعي مكرمشه كاني نقعاهم في مايه بقالي سنه