لقاء كـ،ـ،ـارثي
عشري……احنا جنبهم و اكيد مش هنسيبهم كده و بالمناسبه نجود مضايقه اوي امي بتقولي انها لما اتخانقت مع فضل قالتلوا اكيد انت اللي زعلتها يعني هي مع نعيمه مش فضل
ليله….نجود جميله و بتحب نعيمه و نعيمه كمان بتحبها اوي
عشري…..رشيد بيقولي ان هي راحت الامارات مش كده
ليله….اه البنات قالولي
عشري….طيب متعرفيش ممكن تبقي فين او حد يقدر يوصلها يطمنا عليها حتي
ليله…..نادين اتواصلت مع الناس اللي نعرفهم بس نعيمه متواصلتش مع حد فيهم و لا حتي الاماكن اللي متعودين نأجر منها اجرت عندهم و بصراحه كنت واثقه لانها لو حابه تبعد مش هتعرفنا مكانها هي بس تطمنا عليها و تطمن امها وابوها و بعدين كل حاجه ليها حل
عشري…..ان شاء الله خير بس هي بتعرف تتعامل هناك صح
ليله…..اه بتعرف متقلقش بقولك ايه انا بكره هروح لايمي و هقابل البنات هناك يعني بصراحه انا عايزه افهم اكتر ايه اللي حصل
عشري….ماشي يا قلبي روحي و ان شاء الله خير
ليله….يارب
…………………..
في صباح يوم جديد راحت ليله علي العصر عند ايمي و البنات كانوا هناك اتكلموا و حكوا تاني اللي حصل ايمي كانت مضايقه وباين عليها اوي بس طبعا مقالتش اللي حصل بينهم و اللي هي شاكه ان سبب سفر نعيمه.
ايه…..سلامه بيقول ان فضل مضايق اوي
سلمي….طبيعي الموضوع مش سهل
ليله… انتي مخدتيش بالك يا نادين من الشنطه اللي كانت معاكي
نادين….خالص والله يا ليله ياريتني كنت خدت بالي مكنتش هديها لفضل و نكتفي بس انها سافرت و مضايقه بس انا حتي محستش انها ماشيه لو اعرف مكنتش سيبتها و كنت حبستها بس هي دخلتلي وانا نايمه و كانت كويسه محستش باي حاجه غريبه مكنتش اعرف انها بتودعي فضلت تقولي سامحيني متزعيش و بحبك كنت مبسوطه اكتر ما كنت مستغربه
ايمي…..امها هتموت عليها
ليله …حقها تقي كمان كلمتني وانا جايه و بتحكيلي علي نسمه مضايقه اوي و حاسه بالذنب ان هي السبب
ايه…..هو ايه حوار نسمه انا مش فهماه
ليله…..نعيمه كانت مضايقه اما عرفت انها مرتبطه بسليم و قالتلها لو مبعدتيش عنه هقول لامك وابوكي و قالتلها ان هي مش حابه الارتباط ده عشان سليم من نفس العيله و هيحصل مشاكل كده يعني
ايه…..ايوه بس نسمه دي غلبانه اوي و طيبه مش بتاعت مشاكل
ليله….اهو اي كلام يا ايه وخلاص هي مضايقه من حاجه و طلعتوا عليها لكن مش ده السبب اكيد ماهو بالعقل مش هتسيب فضل عشان اختها مرضتش تسيب سليم
