لقاء كارثي

ليله…لا نتعشي ايه انا معرفتهوش

ايمي….مش عارف انك جايه

ليله…..لا عارف طبعا اقصد مقتلهوش حوار عشاء ده انا اصلا من الصبح مستلماه عشان كل ما اكون هعمل اكل يقولي هنجيب من بره قولتلوا بس انا اكلي مش عاجبك قالي لا اعملي خلاص فا عشان هيطلعني مسرح

ايمي…ولا مسرح ولا حاجه هو اصلا عرف خلاص انكم هتتعشوا هنا

ليله….انتي كلمتيه ؟

ايمي….انا عرفت رشيد وخليتن يتصل عليه وانا كلمتوا برضوا ناهو انا مش هيكفيني انك تقعد معايا نص ساعه و بس ياقمر

ليله….رفعت حاجبها و ابتسمت بغيظ امممم يعني هو عارف وقال اوك

ايمي….لا بلاش رفعه الحاجب دي علي الواد هو قالي لو ليله موافقه معنديش مشكله هاجي من زايد عليكم

ليله….انا كلمتوا وانا قربت خلاص يعني معرفنيش ولا حتي سالني

ايمي…..والله قالي ليله مش هتوافق قولتلوا ملكش دعوه انا هخليها توافق وخلص وتعالي انت

ليله…ده ليلته سوده معايا احيييييه عليا ده مصدق و بياكدلي انه مش عايز ياكل من ايدي

ايمي…..بضحك والله انا بكلموا وهو صوته بينهج فكرت في حاجه قالي في شغل و حجات بيعملها فا رايح جاي يعني مش في دماغه يفكر كده

ليله…ماشي يا ابن عشري اشوفك بس و والله ما هتصل عليه ولا هسألوا

ايمي….بضحك هو اصلا جاي

ليله….بضحك يابت انتي بتستفزيني

ايمي….بضحك مقدرش ويلا قومي بقي تعالي نعمل حاجه نشربها

ليله….قومي يا اختي قومي يومك اسود انتي وهو

…………….

في المستشفي.

احمد…..انا كنت عامل حسابي اصلا اني اجي نغم كلمتني عالضهر كده قالتلي لو رايح نروح مع بعض قولتلها هروح فا قولت اتصل علي ابوكي او زوزو عشان اللي فيهم جاي اجيبه في سكتي لاقتهم في الطريق
قالي تعالي و نتقابل هناك وقولتلوا هستني نغم خلاص

نعيمه….خلي بيك

احمد….. بابتسامه و لا خلي ولا حاجه اهو جه و اطمن علي نسمه و حرك رجله شويه

نعيمه……طيب كنت جيت بكره بدل ما تيجي متأخر

احمد …ماهو نفس الكلام نغم عايزه تيجي معايا و عشان متتأخرش هي في الرجوع

نعيمه……عامله ايه في الشغل يا نغم مبسوطه

نغم…..الحمد لله انا لسه في تدريب بس بدأت انزل و مبسوطه جدا كنت خايفه في الاول بس الموضوع حلو

نعيمه….الحمد لله ربنا يوفقك يارب ركزي انتي بس و جمدي قلبك كده هتلاقي الموضوع حلو

نسمه…انتي نزلتي يا نغم انا فاتني كتير اوي كده