لقاء كارثي

نغم….بهمس معقول زعلان عشان كنسلت اكيد لا في حاجه تانيه انا كنسلت قبل كده عادي و مكانش بيزعل و لو زعلان عشان متصلتش طول اليوم ما انا اتصلت و هو مردش ولا حتي حاول يتصل
انا هتعب نفسي ليه انا هكلموا و اسالوا..

…………….

في غرفه تامر كان قاعد بيشتغل و بيرسم علي ورق و بعدين سرح

فلاش باك

اتصل تامر علي نغم علي الساعه واحده و قبل ما يرن الخط اتفتح

تامر….الووو

نغم……لا انا عملت الورق خلاص هطبعه بس

تامر….الوووو نغم

فجاه سمع اصوات كتير حواليها و بيتكلموا في نفس واحد شباب مع بنات و بعدين بقي سامع صوت ضحك من نغم و من الكل

لا نغم شاطره هي تبان كيوت وبريئه بس بتحب شغلها ويجي منها

نغم…..ميرسي يا حسام انت كمان شاطر علي فكره

فضل ساكت و حس تامر بغيره من كلامهم ضحكهم قفل و رجع اتصل تاني بس المرادي كنسلت عليه و لحد ما هي اتصلت اخر اليوم بعد سبع ساعات من اتصاله عليها مكانتش اتصلت عليه اصلا فا حس انه مضايق و غيران و فضل بقي يتخيل حجات انها طنشته انها كانت مبسوطه بوقتها او لقت حد يملأ وقتها جايز حسام ده من سنها فضل يفكر و مضايق نفسه

بااااااك

بص تامر جنبه لقي الموبايل بيتهز عالمكتب و هي بتتصل عليه بص للتليفون و بعدين ققل الشاشه و مردش كان حاسس انه مشحون طول اليوم و مضايق بجد فا محبش يرد عليها عشان ميضايقهاش

ثواني و جاله مسدچ

نغم…..تامر ممكن ترد عليا عيزاك ضروري بيتهيألي انت صاحي لاني سامعه صوت خبط في اوضتك

بص للرساله وبقي مش عارف يعمل ايه و كلمه ضروري دي قلقته قبل ما يتصل عليها كانت هي اتصلت لما شافت انه شاف الرساله

تامر ….ايوه يا نغم

نغم…..هو انا لازم ابعت مسدچ عشان ترد

تامر….مكنتش واخد بالي

نغم ….طيب ما انا اتصلت قبل ما ابعت المسدج اشمعني شوفت المسدچ ولا عشان كتبتلك اني عيزاك ضروري

تامر ….لا بس انا مسكت الموبايل صدفه انا عامله سايلنت اصلا و بشتغل في حاجه

نغم……هو انا مبدايا مش هعطلك متقلقش بس كنت عايزه يعني اعرف مالك

تامر…..يعني ايه مالي

نغم….يعني شكلك مضايق و مش بتتكلم يعني لما كنا في المستشفي كنت بتتكلم وبتهزر وحتي لما رجعنا كنت بتتكلم مع بابا عادي بس معايا لا هو انا عملت حاجه تزعلك

تامر…..مفيش حاجه يا نغم انا تمام
واكيد يعني هضحك واهزر عشان نسمه متحيش بحاجه