لقاء كارثي

ايمي…..اه قولتلي بقي ست چوي بقت تفطرك

رشيد….بضحك ايه بتغيري من چوي

ايمي….لا مش بغير بس اي حاجه تخصك مسؤوليتي انا

رشيد….ربنا يخليكي ليا و تقومي بالف سلامه و ارجع اكل واشرب واعمل كل حاجه من ايدك انتي و بس بس يارب ولادك مياخدوكيش مني

ايمي…..بضحك هما من ناحيه هياخدوني اكيد هياخدوني من نفسي لكن انا عندي اربع ولاد محدش يقدر ياخدني منك

رشيد…والله انتي الوقت في السادس و يا اما تولدي الشهر الجاي يا تولدي بعد شهرين تلاته فا المايه تكدب الغطاس هنشوف

ايمي…ايه مش واثق فيا فاكرني هتشغل عنك

رشيد…لا واثق فيكي بس عارف ان ولادك مش هيدوكي فرصه تشمي نفسك

ايمي….لا اطلع منها انت احنا هنتفق مع بعض و هيبقوا مؤدبين

رشيد…هنشوف المهم فطرتي

ايمي….لا لسه انا لسه عالسرير صحيت مش لاقيتك قولت اكلمك

رشيد….طيب يلا يا حبيبي قومي افطري و ظبطي نفسك كده و بلاش سجاير عالريق

ايمي…. حاضر بقولك ايه

رشيد…قولي يا عمري

ايمي….نفسك تاكل ايه انا عايزه اعمل الاكل انهارده

رشيد……انا مش عايز اي حاجه عايزك ترتاحي وبس و بلاش فرط الحركه اللي عندك ده

ايمي….اولا انا زي الفل و الحمد لله احسن كتير و التعب اللي بيحصلي ده بقي خفيف او مش موجود و بعدين انا مش هتعب چوي معايا و انا مش هتحرك كتير متبقاش رخم بقي انا حاسه اني مبسوطه شويه و مودي حلو

رشيد….بابتسامه ملاحظ علي فكره حاسس انك احسن بكتير من امبارح

ايمي…البركه في المجنون بتاعي

رشيد….بضحك والله لو عجبك جنان المجنون كل يوم بليل هخطفك و نتجنن لما الكل ينام اتفقنا

ايمي…. بضحك اتفقنا جدا

رشيد…طيب قوليلي اجيبلك ايه معايا وانا جاي صحيح يا ايمي هو انتي ليه متوحمتيش علي حاجه

ايمي…امممم هو انا متوحمتش

رشيد….لا مش المفروض بيبقي نفسك في حاجه

ايمي…بيتهيألي عادي يعني مش شرط بس بصراحه يعني انا عايزه لب

رشيد…. بابتسامه بس كده عيوني احلي لب هيكون عندك انهارده و لو افتكرتي اي حاجه تاني عرفيني عشان سهرتنا

ايمي….بضحكه جميله اتفقنا طيب مش هتقولي برضوا هتاكل ايه

رشيد…والله انا مش عايز اتعبك و في نفس الوقت حاسس ان مودك حلو ومش حابب اخنقك فا اعملي حاجه علي ذوقك بس تكون خفيفه عشان ماقفيش كتير

ايمي….خلتص اتفقنا سيبها عليا بقي