لقاء كارثي

تامر…..سلام عليكم

نعيمه…..عليكم السلام ادخل يا تامر

دخلوا سلموا عليهم كلهم

تامر بص لنغم

تامر….ازيك يا نغم

نغم…الحمد لله

محمود….ايوه بقي القمر بتاعنا فاق حمد الله عالسلامه يا نسوم

نسمه….بابتسامه الله يسلمك يا حودا

محمود….يخربيت عقلك وحشتينا حاسس ان بقالك كتير غايبه

نسمه…..كنت بريحكم مني شويه

محمود….ده علي اساس وانتي فايقه كنا بنحس بيكي طب نسيب الكلام ده لواحده زي تقي مثلا

تقي…..بضحك قولها في وشي يا حودا قول انك عابز ترتاح مني

محمود….بضحك بعد الشر

تامر…..حمد الله علي السلامه يا نسمه

نسمه….الله يسلمك يا تامر

تامر…..نقوم بقي كده و كفايه دلع

نسمه….بضحك حاضر هقوم الوقت

محمود…..عامله ايه يا نوني

نعيمه…زي الفل يا حودا انتوا عاملين ايه

محمود….الحمد لله كله تمام اخيرا حد فيهم فرحنا و فاق عقبال الجميع يارب

نعيمه…يارب يا حودا اللهم امين

تامر….قريب ان شاء الله تكمل فرحتنا علي خير

احمد….ربنا كريم انتوا جايين سوا

محمود…..اه اتقابلنا عالطريق و جينا ابويا و امي كانوا هنا صح

احمد…اه بس عالعصر كده ابوك خاني وجه من غيري كلمته عشان نتفق ونيجي سوا لاقيته بيقولي انا قربت اوصل قولتلوا خلاص هروح براحتي بقي

محمود…..لا ملوش حق انا لو منك مسالش فيه تاني واب مشوار روح لوحدك

نعيمه….بضحك يا ساتر يارب ايمي السوسه بهتت عليك

مجمود….بضحك لا معلش حمودي حبيبي محدش يغدر بيه

نعيمه…..عامل زي ايمي لما بتسخن ابوها وامها علي بعض

احمد….اطلع منها انت ياواد ابوك حبيبي

تقي….بضحك شكلك وحححش

محمود…..بضحك هو كده ما ينوب المخلص الا تقطيع هدومه ماشي يا حمودي انا قلبي عليك

نعيمه….طيب تشرب ايه يا مصيبه بقي انت وتامر في عصير و في شاي وقهوه و نسكافيه مها جابتلي كاتل انهارده يعني كله موجود

محمود….فتحتي قهوه انا لو منك استغل الموضوع و اعملي مشروع نصبه شاي وقهوه و قدام البيت بقي تقفي

نعيمه…. بضحك هفكر في الموضوع ده عجبني يلا تشربوا ايه

تامر…خليكي مرتاحه مش عايزين

نعيمه…..اخلص بقي يعني هقوم اهد الدنيا

تقي….خليكي انتي ها تشربوا ايه خلصوا معانا الخزين ده عشان نعيمه هتقف في الطرقه ترقع بالصوت

محمود….بضحك طيب انا عصير عشان شارب شاي وقهوه كتير انهارده