لقاء كارثي
لقاء كارثي
نادين…اه هنروح بس هما هيجوا معانا عادي مش هيضايقوا
شيرين….صحيهم و نشوف لو حابين يرجعوا الفندق يستنوا هناك تمام
عسال…طيب لو مش عايزين يجوا خليهم هنا ليه يروحوا الفندق
شيرين…عشان اهلص واروحلهم مرجعش هنا تاني
نادين…الفندق جنبنا علي فكره و بعدين حضرتك هتمشي ليه
عسال….خليكي يا شيري وارجعي علي هنا كده كده انا هطمن علي نعيمه و هروح للشغل احتمال اتاخر لاننا بنجهز الكافيهات لكاس العالم فا متسيبيش نادين لوحدها خليكم معاها
نادين…اه عشان خاطري يا مامي و هخلي كمان ايه و حنون يجوا يسهروا معانا
شيرين…طيب صحيهم برضوا و نشوف هنعمل ايه بعدين
نادين…..طيب اااا يعني عادي تصحيهم مش هيضايقوا انا معرفش نظامهم
شيرين….نظام ايه انا بدخل بالعصايه عادي جدا يلا روحي صحيهم
ضحكوا كلهم و راحت نادين تصحيهم دخلت الاول لمروچ صحتها و قعدت تضحك معاها شويه و بعدين راحت علي جاسم خبطت كذا مره وبعدين فتحت
نادين…جاسم جاسم جاسم
جاسم…ايه يا مامي
نادين…. بابتسامه انا نادين مش مامي
فتح عينه وابتسم
جاسم…. صباح الخير
نادين…. بضحكه جميله صباح النور انا اسفه يعني بس مامي اللي قالتلي اصحيك انت ومروچ و علي فكره قالتلي في عصايه بتصحوا بيها و كده بس انا مؤدبه
جاسم….بضحك العصايه دي في حاله الطوارئ وقت المدارس بس كويس ان انتي اللي صحتيني مامي بتدخل تهد عليا الاوضه
نادين….بس شكلك نومك تقيل
جاسم….اوقات واوقات مش ديماً
نادين….طيب ممكن يلا تقوم عشان نفطر
جاسم….تمام انا قومت خلاص
نادين…اوك خد راحتك بقي وخلص وتعالي
جاسم…اوك يا نودي
بعد وقت بسيط اتجمعوا كلهم و فطروا مع بعض و بعدين قاموا يجهزوا عشان يروحوا لنعيمه
…………………
في المستشفي بعد ما عشري مشي
خرجت ليله مع نعيمه وفضل و سابوا سليم مع نسمه شويه…
راحوا علي مكان الاستراحه و راح فضل يجيبلهم قهوه..
قعدت ليله مع نعيمه وبصتلها بحب وطبطبت علي كفها
ليله….ايه يا قلبي طمنيني عليكي حساكي مش نايمه كويسه ومرهقه
نعيمه…..مش عارفه انام والله يا ليله
ليله….ليه يا قلبي عشان جو المستشفي يعني
نعيمه….مش بس عشان كده خايفه نسمه تقلق تنادي عليا مسمعهاش انتي عارفه لما بنام مش بحس وهي متقدرش تنادي بصوت عالي كمان دماغي مش بتبطل تفكير عقلي صاحي
