لقاء كارثي

ليله….تعالي يا عدي اقعد هنا

عدي….لا لا خليكم انتوا انا تمام كده

ليله….تعالي في مكان

نعيمه….تعالي يا عدي اقعد

عدي….عامله ايه يا نوني

نعيمه …بخير الحمد الله

عدي….بهمس في اخبار عن نادر

نعيمه…لسه والله ادعيلوا

عدي…ربنا يقومه بالسلامه و يطمنك عليه يارب

ليله….انتوا جايين مع بعض ولا ايه

مها….لا احنا جايين باوبر انا واقي وعدي قابلناه تحت امسكي يا نوني الحاجه دي

نعيمه…ايه ده

مها….دي فاكهه مغسوله و متقطعه تاكلوا منها علي طول و امسكي ده كاتل و شاي وقهوه ونسكافيه وهتلاقي سكر ولبن و في هنا شويه مخبوزات و ده اكل ليكم لو مكلتيش هو سخن كلوا منه والشنطه دي عدي جايبلكم فيها مايه وعصاير

نعيمه…..يا بنتي تعبتي نفسك ليه بس وايه كل ده اصلا الكافيتريا تحت

مها….عشان متنزليش وتسيبها وتبقي قلقانه عليها حاجتك كلها معاكي اعملي براحتك

نعيمه…متحرمش منك يارب عدي في مايه وعصير يفتحوا سوبر ناركت والله ايه كل ده

عدي….ياستي مش هيخسروا خليهم وشربي اي حد يجيلك وزي ما قالت مها اكيد هتخافي تنزلي وتسيبي نسمه خلي حاجتك هنا مش في تلاجه هنا

نعيمه…اه بس مليانه والله

ليله….قامت وقفت و فتحت التلاجه خدوا بقي اشربوا نايه وعصير اهو وهاتوا الجديدحطوه عشان يبقي ساقع امسكي يا تقي اديهم

نعيمه….هاتي امسك يا عدي

عدي…انا مش قادر والله

نعيمه…امسك هزعل منك اشرب

تقي…امسك يا فضل اشرب

فضل….طيب انا ممكن اشرب شاي

مها….انا كمان هشرب مع فضل شاي عيزاكي تجربي الكاتل انا طيبته من المحل و مجربتهوش

تقي…..سليم اتفضل

سليم….هشرب معاهم يا تقي هاتيه بس لنسمه تشرب منه

نسمه…انا مش قادره

سليم..معلش اشربي احسن

تقي…..يلا اشربي

ليله….هاتوا الكاتل انا هعملكم شاي

مها…..خلي بالك بس وانتي بتجربيه عشان لسه جديد احسن يكون في حاجه

نعيمه….ليله اغسليه الاول بازازه مايه

ليله…..معايا مايه خلاص

قعدوا و فضلوا يتكلموا و وقفت ليله عملت الشاي شويه و جات قمر و اميمه دخلوا سلموا علي الكل

اميمه….يا نور عيني انتي الف سلامه عليكي يارتيني انا بدالك

نسمه….بابتسامه بعد الشر عليكي

قمر….عامله ايه يا ست البنات احسن

نسمه…الحمد لله والله يا قمر

نعيمه…..يا جدعان ايه اللي انتوا جايبينوا ده كله انا هعمل ايه بكل ده بس كل اللي يجي يجيب