لقاء كارثي

نعيمه….سمعتي ياريت تبطلي بقي تفكير و اسىله تتعبك يوم ولا اتنين و حد فيهم يفوق ويجي جنبك هنا و نطمن شويه اهدي وارتاحي بقي

هزت نسمه راسها وسكتت

احمد……متقلقيش يا بنتي ربنا مش بيعمل حاجه وحشه ادعيلهم بس انتي و خير يارب

نسمه….يارب

بعد حوالي نص ساعه مشيوا نزلوا تحت احمد كان معاه عربيته و نغم كانت راكبه معاه وتامر في عربيته ومحمود كمان في عربيته

احمد……ايه مروحين ولا وراكم حاجه

محمود….لا انا مروح

تامر….انا كمان هروح معاك عربيتك صح

احمد….اه معايا يلا بينا

بصت نغم لتامر مكانش باصص لها و تقريبا ملامحه بتقول انه زعلان منها في حاجه

ركبت مع احمد بهدوء و اتحركوا كلهم وراء بعض

……………..

عند ايمي..

ليله…..طيب ليه مكلمتنيش

ايمي…محبتش اقلقك و بعدين هتعملي ايه يعني هتجيلي

ليله….ولله لو شايفه ان حالتك وحشه اوي كده اه هجيلك و لو ياستي مجيتش اهو نتكلم مع بعض شويه عشان تفكي

ايمي…..بصراحه رشيد مسابنيش انا بجد كنت حاسه ان في ايد بتخنق رقبتي مكنتش قادره اتنفس و بصراحه متوقعتش ان رشيد ياخدني بالعربيه لانه رافض خالص اني اتحرك اينعم مروحناش بعيد يادوب جيبنا قهوه وحجات ورجعنا بس بجد فرقت معايا

ليله…..رشيد جميل وبيحبك و بيحاول يعمل اي حاجه عشانك

ايمي….عارفه هو مش مقصر في اي حاجه بس انا توقعت يقوم يفضل معايا لكن الجنان ده لا متوقعتش بصراحه خرجنا بالبچامات من البيت و بصراحه الموقف نفسه كان مضحك خلاني نسيت

ليله….بضحك بكيزه هانم الدرملي خرجت بالبچامه

ايمي….بضحك والشبشب وحياتك

ليله…المهم انك اتبسطتي و غيرتي جو

ايمي…..اه جدا

ليله….وياريت اي وقت تحسي انك مخنوقه تكلميني

ايمي….مكنتش حابه اقلقك والله و بعدين كنتي لسه راجعه البيت يعني مش هدوشك اكيد

ليله…..انتي مالك انا اشتكيت و بعدين ما انا عارفه ان الهانم من هنا لحد ما ربنا يكرمها و تولد هتطلع عيني عشان احنا عاملين كبت لفرط الحركه بتاعها

ايمي…علي فكره بقي انتوا ظالمني و فاكرين اني عامله كده عشان اخرج بس والله ما فارق معايا الخروج انا اصلا حاسه اني تقلت و مش قادره اتحرك و لو اتحركت رجلي بتورم بس بجد الفتره دي صعبه اوي يا ليله اللي حصل مكانش سهل و تعبني بجد و المشكله ان كله حاجه جات وراء بعضها يعني صدمه موت نجلاء و دولا لوحدها مكانتش سهله وفكره انك تفضلي علي اعصابك و اي تليفون يجي تبصي خايفه علي نادر و نسمه و اللي حصلك وكلام الدكتوره اللي يقلق حسيت بضغط رهيب بجد