لقاء كارثي
لقاء كارثي
ايمي…..والنبي قمر وانت مقموص كده
ليله…. بابتسامه جميله اه مقموصه و مخصماكي كمان
ايمي….متقدريش يا وسخه يابت انا الحته الشمال
ليله…. بضحك اثبتي بقي
ايمي…..بضحك طب بحبك
ليله…وانا بموت فيكي
ايمي…اثبات ده ولا مش اثبات
ليله…..بضحك اثبات يا اوطي من الرصيف طمنيني عليكي
ايمي…طمنيني انتي عليكي عامله ايه و صحتك اخبارها ايه
ليله…زي الفل
ايمي…زي الفل ولا كالعاده بتشتغليني
ليله….وغلاوه ايمي بخير الحمد لله
ايمي…طيب الالم اللي عندك راح
ليله….راح كتير عن الاول مبقاش موجود تقريبا
ايمي….الحمد لله بس خدي بالك هتروحي تاني للدكتور
ليله….ايوه عارفه هروح عشان التحاليل نعيدها تاني انتي بقي عامله ايه لسه في طلق
ايمي….بيروح ويجي بس مش زي الايام اللي فاتت لما ارتحت الكام يوم دول بقيت احسن
ليله….كل ما ترتاحي هتتحسني اكتر المهم تتهدي علي حيلك شويه
ايمي….والله قاعده اهو مت اني حاسه اني هولد الشهر الجاي
ليله….شهر خمسه انتي معاد في سبعه
ايمي…عارفه بس عندي احساس اني هولد في السابع
ليله….انتي تعبانه ولا ايه
ايمي…مش تعب بس معرفش يعني مجرد احساس
ليله….شوفي انا هموت وتولدي في معادك الاصلي عشان ابقي متطمنه عليكي و عليهم بس لو مش هيبقي غلط انك تولدي في السابع ولا هتتأثروا اتمني تولدي و تخلصيني لاني تعبت منك
ايمي….في ايه يا تربيه وسخه منك ليها خلاص كلكم زهقتوا مني
ليله….الشهاده لله انا جيبت اخري اكدب يعني يابت انا حسيت بحملك و محستش بحملي شايله همك و حاسه الوقت مش بيمشي
ايمي…. بابتسامه علي فكره انتوا متربتوش انا معملتش حاجه
ليله….بس موترانا و متعبه جدا ومش بتسمعي الكلام حاسه اني بسايس عيله صغيره فرط الحركه الي عند اهلك ده تعبلي اعصابي
ايمي….طب اعمل ايه والله نفسي اولد انهارده قبل بكره و اخلص و بعدين فرط الحركه ده انتوا اتعودتوا عليه المفروض يعني يابت طول عمري بشتغل و مبقعدش علي حيلي مبعرفش اقعد في مكان وبعدين هموت عليكم مش قادره اسيب نوني ولا اسيبك ولا قادره احس اني قاعده مبعملش حاجه
ليله…..ولما تيجي هتنيلي ايه هتوترينا و هتقلقينا عليكي ارتاحي انتي بس واحنا هنبقي زي الفل
ايمي….يابت بدل ما تقوليلي وحشتيني و عايزه اشوفك
ليله….انا وحشتك
