لقاء كارثي

نعيمه…..عامله ايه في شغلها الجديد

سلمي….والله يا نوني انا مش عارفه انا كلمتها اول يوم نزلت فيه كان باين عليها انها مبسوطه بكلمها كل يوم وهي بتكلمني بس مش بنرغي يعني

نعيمه….ربنا معاها يارب

سلمي…يارب ايه يا نسوم اخبارك ايه احسن ماشاء الله شكلك بيتحسن

نسمه…الحمد لله احسن كتير

نعيمه….الحمد لله الدمتور قال تاكل و قال تبدا تتمشي و شال القسطره يعني بتتحسن كتير

سلمي… الحمد لله عقبال ما تخرجوا من هنا علي خير يارب

نعيمه…يارب يا سلمي

فضل….جوزك كان هنا من شويه

سلمي….اه ما هو قالي استناكي قولتلوا لا جالي مريض روح انت

ليله….بضحك مالك بتقولها كانك بتسوس عليه ليه

فضل…. بضحك الله مش بعرفها خط سيره

سلمي….. بضحك لا اطمن عرفاه

فضل…مسيطره يعني

سلمي….اه كله تمام اطمن لولي انتي مروحه و لا ايه

ليله….اه هعدي بس علي ايمي عشان مش هتسكت و كنت هروح المطعم ابص علي ريهام بس قالتلي مجيش الجو هادي يعني و مفيش اي قلق قولت بكره انزل عليها هي علي طول و افضل معاها شويه و بعدين اجي هنا

نعيمه….ممكن بكره ترتاحي يعني روحي المطعم كفايه اوي عليكي و متجيش هنا اديكي شايفه كلهم موجودين لو احتاجتك والله هكلمك

نسمه…ايوه يا ليله ارتاحي انتي من وقت ما جييتي مقعدتيش و جيتي امبارح برضوا خليكي بكره و شوفي اللي وراكي

ليله…..انتوا زهقتوا مني يا واطيه منك ليها ولا ايه

نعيمه…والله ابدا عيزاكي بس ترتاحي بتتريقي علي ايمي و انتي اوسخ منها

فضل…ليله خليكي بكره انتي انا معاها كده كده من اول اليوم لاخر مش هسيبها وسليم موجود لو حد فينا احتاجك كده كده بنتكلم

سلمي….انا بكره اجازه و هجيلها خليكي انتي يا لولي

ليله….سيبوها علي الله انا هروح المطعم ولو حسيت اني خلصت بدري هاجي مخلصتش خلتص مش هاجي والله

نعيمه….طيب يلا قومي بقي اتكلي علي الله

ليله…انا بطرد علي فكره

نعيمه…لسه هتروحي لايمي و لسه هترجعي بيتك تشوفي اللي وراكي قومي يلا

سلمي….انتي مش معاكي عربيه صح

ليله…..لا هاخد اوبر

سليم….ليه اوبر انا موجود متركبيش اوبر لوحدك

ليله….لا خليك انت مع نسمه

سليم…هوصلك وارجع

نعيمه…ترجع فين انت كمان قوم خد فضل ويلا امشوا روحوا ارتاحوا شويه وانتي كمان يلا علي بيتك

سلمي….طيب لو رايحه لايمي تعالي اخدك في طريقي