لقاء كارثي

ليله….ايوه يا قلبي بس لازم تنامي كده غلط عليكي هيجي عليكي وقت تحسي انك مش قادره تقاومي هتقعي من طولك و بعدين خلي الموبايل جنبها لو قلقت ترنلك

نعيمه….هي مش معاها موبايل انتي ناسيه

ليله…اقصد تشغل اي اغنيه بصوت عالي

نعيمه…مش هتقدر هي على كل ده يا ليله و بعدين حتي لو هقدر انام واسيبها انا مش عارفه

ليله…..مش اطمنتي عليها يا قلبي ارتاحي بقي و قربب هنطمن علي نادر

نعيمه….. اسئلتها تعبتلي اعصابي يا ليله

ليله….بتسأل كتير صح

نعيمه….يااااااه كتير بس ده بين السؤال والسؤال سؤال و المشكله اني بحاول اقنعها او ارد عليها رد يخليها تصدق بس عارفه لما تبقي انتي مش مقتنعه باللي بتقوليه مستحيل تخلي اللي قدامك يصدقك وانا بدأت احس ان نسمه حبيبتي حاسه بحاجه حاسه اننا بنضحك عليها او مخبيين عنها حاجه

ليله….لا يا نعيمه حاولي علي قد ما تقدري متخليهاش تشك حتي

نعيمه…انا مبعملش حاجه الا اني اكدب واخبي وامثل عليها لما بثيت خايفه انها لما تعرف تزعل مني

ليله….عمرها ما هتزعل منك يا نعيمه اكيد هتفهم ليه عملتي كده وليه كلنا خبينا عليها هي سالتني انا و سليم و احنا بنقعدها بس حاولنا نلحق الموقف حسيت ان سليم عطل شويه و اتلخم من سؤالها فا لحقته

نعيمه…ايوه فعلا انا اوقات بعمل زي سليم بحس اني مش عارفه ارد لان كل اسئلتها تخليكي تقفي لحظه حاسه اني شايله حمل و جبل فوق قلبي كبير نفسي اخلص منه علي قد ما انا خايفه عليها علي قد ما نفسي بجد اعرفها

ليله….هتعرف يا نعيمه و نادر هيعرف و هترتاحي و ان شاء الله الموضوع يبقي بسيط و ربنا يصبر قلبهم بس انا قلقانه عليكي بجد

نعيمه……سندت ايدها علي المقعد الحديد و حطت كفها علي خدها ثواني و نزلت دموعها نفسي كل ده يطلع حلم يا ليله اوي بجد نفسي احس اني نايمه و ماما بتصحيني عشان اقوم اجهز قبل ما نروح المطار نفسي افوق حاسه اني كبرت ميت سنه فوق عمري حاسه اني مهدوده من جوايا عارفه لما تحسي ان نفسك بيخرج منك وانتي هلكانه

حاسه اني مش هقدر ارجع زي الاول حتي لو ساعه واحده

ليله…..بنظره حزن مسحت دموع نعيمه و طبطبت علي شعرها هترجعي احسن من الاول كل اللي بتقوليه ده يا نعيمه انا مريت بيه و مقدره شعورك ده كويس بس صدقيني مع الوقت بترجعي