لقاء كارثي

سليم…لحظه يا قلبي

قام فتح لقي الددكتور حس انه خد نفسه

سليم…. اتفضل يا دكتور

الدكتور…..البطله بتاعتنا عامله ايه انهارده

نسمه….الحمد لله

سليم…بطله زي ما حضرتك قولت هي احسن كتير

الدكتور…طيب جميل اوي ايه الاخبار يا نسمه طمنيني كده عليكي اخبار الصداع والدوخه

نسمه….في صداع بس خفيف و اوقات بحس بدوخه و زغلله بس لما بغمض عيني شويه بتروح بعد كده بس كمان في وجع جامد في دراعي و جسمي بيروح مع المسكن بس لكن لو مخدتش المسكن بيبقي متعب اوي

دخلت نعيمه وليله وفضل في الوقت ده

فضل…. مساء الخير يا دكتور

الدكتور…مساء الخير

نعيمه….ازيك يا دكتور

الدكتور…الحمد لله

نعيمه…ايه نسمه كويسه

الدكتوره…اختك بطله بس انا لسه بطمن عليها اهو ها يانسمه قولتلي بقي الالم مش بيورح غير بالمسكن وفي صداع خفيف و دوخه و زغلاه بسيطه صح كده

نسمه…ايوه

الدكتور….هايل الضغط كويس اوي بصي يا نسمه اولا انتي كان عندك خلع في الكتف و عملتي عمليه و طبعا في كدمات متفرقه في جسمك وكان في جروح اتخيطت نتيجه الزجاج بتاع العربيه فا اي الم بتحسي بيه في كتفك او دراعك ده طبيعي بعد العمليه العضم لسه بيلتئم بخصوص جسمك هيحصلك شد في اماكن الخياطه هيحصلك الم عارفه اما تقعي واقعه جامده او تتخبطي ممكن متحسيش اوي وقتها بس لما ترتاحي بتحسي ان جسمك بدا يظهر عليه اعراض الوقعه او الخبطه بالظبط نفس الوضع جسمك لسه في حاله استعاده لصحته فا طبيعي تحسي باي الم اما بالنسبه للصداع الدوخه الزغلله كل ده كمان طبيعي اولا احنا فضلنا في غيبوبه حوالي اسبوع كمان كان في ارتجاج بسيط فا كل ده عادي جدا مفيش منه اي قلق فحوصاتنا و الاشعه كلها زي الفل يعني مفيش خوف محتاجين بس كام يوم الالم هيبدأ يخف الصداع والزغلله والدوخه مع الوقت هيروحوا فا عايزك تطمني خالص

نعيمه….طيب

نعيمه…..دكتور طيب بخصوص الاكل هي لحد الوقت مش بتاكل بس هي قالتلي انها جعانه امبارح و الممرضه قالت لما الدكتور يجي بكره نسالوا

الدكتور…..هي مش جعانه بس نقدر نقول وحشها الاكل لان المحاليل بتعوض الاكل يعني هي مش ناقصها اي تغذيه كل التغذيه اللي ممكن تحتاجها موجوده في المحاليل طبعا الطبيعي بعد حالتها يتمنع عنها الاكل لانها لسه فايقه من غيبوبه و بقالها كذا يوم معدتها فاضيه فا اكيد مش هنفوق ناكل علي طول بنحتاج وقت لكن هي لو حابه تبدأ تاكل انا شايف انها ماشاء الله احسن كتير فا ممكن نبدأ معاها بسوايل عشان نرجع نشغل المعده و الجهاز الهضمي يشتغل بهدوء من غير ما نهجم عليه باكل كتير ممكن نبدأ بشوربه دافيه فراخ مسلوقه كده يعني المهم ناخد الموضوع براحه عشان هي متتعبش ممكن معدتها تألمها