لقاء كارثي

نعيمه…يعني ممكن تاكل من انهارده عادي صح

الدكتور…شوفي هنبدا باي عصير خفيف و بعدها ممكن بساعه لو تمام هناخد شويه صغيره شوربه خضار و حته بسيطه فراخ مسلوقه معلش انا عارف ان ده اكل عيانين بس احنا حابين ندخل بهدوء علي معدتنا عشان منبقاش بنعالج حاجه و نرجع نعالج قولون ومعده هنعمل اختبار للمعده عشان مندخلش هجم

نعيمه…هي اصلا مش بتاكل كتير في العادي

الدكتور….ايوه بس زي ما قولت الافضل ناخد الموضوع بهدوء احنا حابين نشغل المعده اللي بقالها كذا يوم خفيفه بنضحك عليها يعني و بعدين تامل اللي يعجبها

ليله….طيب بالنسبه للحركه يا دكتور هي تقدر تتحرك و تقوم تتمشي شويه ولا لا هي كانت زهقانه انهارده و قعدناها

الدكتور….لو قادره تتحركي يا نسمه اقعدي اتحركي حركه هفيفه مع مساعده اي حد طبعا لان نفس الوضع هي بقالها كتير نايمه فا لو قامت فجأه مش هتقدر تتحمل الم الدوخه ممكن تقع فا براحه و خطوات بسيطه جوه الغرفه احنا كمان هنشيل انهارده القسطره دي و تقدري كمان تدخلي الحمام براحتك

نسمه….طيب هو انا ممكن اقدر اشوف ماما وبابا و اخويا

ليله….لحقته بسرعه هي مستعجله اصلا انها تقوم عشان عايزه تروح تطمن عليهم بنفسها انا قولتلها لو الدكتور وافق انك تطلعب بره الغرفه هنروح

الدكتور…..بصي يا نسمه انا هسمح بس بأنك تتحركي في نطاق الغرفه والحمام مش اكتر من كده يعني كام يوم كمان معلش انا عارف انك زهقتي و كمان حابه تطمني علي اهلك بس معلش احنا بخير وزي الفل و بنتعافي تدريجيا مش عايزين
نضغط علي نفسنا

نسمه…بس انا كويسه و ممكن حتي اروح علي كرسي

الدكتور….عارف انك كويسه و المشكله مش في الكرسي بس انتي لازم تقدري خطوره الموقف اللي كنتي فيه نسمه انتي كان عندك ارتجاج يعني اي خطوه او حركه او انك تشوشي عقلك بكذا حاجه غلط عشان كده قولتلك ابداي بحركه جوه الاوضه لحد ما نطمن ان مفيش دوخه مفيش زغلله مفيش اي حاجه و قادره كمان تمشي علي رجلك لوحدك

نسمه…بس انا عايزه اطمن عليهم واشوفهم بنفسي

ليله….ماهما يا قلبي اصلا لسه في الرعايه و انتي اول حد يفوق يعني هما كمان محتاجين يرتاحوا

الدكتور …هما بيتحسنوا بشكل كويس جدا نفس حالتك قبل ما تفوقي كان التحسن عندك ملحوظ و انا حاسس ان اللي هيفوق بعدك اخوكي لان استجابته كويسه بس في العموم هما كلهم بخير استجابتهم كويسه بس زي ما انتي محتاجه راحه هما كمان محتاجين راحه وقريب كلكم هتبقوا بخير ومع بعض