لقاء كارثي

نغم….. بابتسامه لا خالص ده تالت يوم انهارده اول يوم كان زي تدريب نظري و تاني يوم برضوا كنت في المكتب اول كام ساعه و بعدين نزلت تدريب عملي مع صحفيه بنوته بس هي خلاص اتثبتت وانهارده نزلت معاها برضوا متقلقيش مفاتش حجات كتير و ان شاء الله لما تخرجي بالسلامه هبقي احكيلكم

تقي….اه لازم نسمع بالتفصيل شوفتي مين مقتول ومين مدبوح و مين رامي مين من الشباك عايزين شويه قصص اثاره كده

ضحكوا كلهم علي تقي

احمد….هي البت دي بقت دمويه كده ليه

نعيمه……بلطجيه مش دمويه

نسمه….بابتسامه علي فكره تقي عندها فوبيا من الدم دي عبيطه

احمد….اه عامله فيها قويه يعني

تقي….بضحك بصراحه اه يا حمودي انا قلبي جامد في حجات كتير الا الدم يعني ممكن اتفرج علي خناقه و اسمع بس صوت اجري علي البلكونه بس اول ما الاقيهم ضربوا في بعض و بقي في دم اجري

نغم….لا بس انتي فاهمه غلط انا بغطي اخبار الحدث بعد ما يحصل يعني لو خناقه بنروح بعد ما حصلت

تقي…اه زي الشرطه بتروح في الاخر

نغم…بضحك لا مش كده يعني مثلا حصل مشكله كبيره خناقه مثلا و حد صورها بنروح للناس اللي متضرره و بنعرف السبب بنسمع الحكايه كده يعني اما بقي حوار الدم واننا نشوف حاجه من البدايه بيتهيالي لسه بدري عليها لان اللي بيحضر حاجه زي دي من الاول الصحفيين اللي اقدم مني لان بيبقي ليهم علاقه بالمباحث فا ممكن حد يعرفهم و الطبيعي بيروح صحفي اشطر اقدم عنده خبره مش هنزل تدريب انا في مكان زي ده مثلا حد غرق و فات كام يوم لسه مطلعش فا طبيعي الخبر بيبقي انتشر فا نقدر نروح و نتابع معاهم احظه بلحظه

فهمتي يعني الجرايم او الغرق او الحجات دي ليها وضع و خناقه او مشكله حصلت وبتغطي خبر بعدها ليها وضع

تقي….ايوه فهمتك المهم يعني يبقي في قصص تحكيهالنا

نغم….لا هيبقي في متقلقيش

نعيمه….ربنا يوفقك يا نغم و تبقي اشطر صحفيه في مصر كلها

احمد…اللهم امين

نغم…..يارب يا نوني

الباب خبط

نعيمه….ادخل

دخل محمود و كان وراه تامر اول ما نغم لمحته ابتسمت و قلبها دق من الصبح مكلمتهوش و متعرفش انه جاي كلمته مره و هي خارجه و راحه لاحمد بس مردش

نعيمه…..تعالي يا حودا تعالي يا تامر

محمود…..سلام عليكم جميعا ازيك يا حمودي

الجميع…عليكم السلام

احمد…..الحمد لله يا حودا تعالوا