لقاء كارثي

ليله….وحياة غلاوتك عندي كل ده هيطلع ابسط بكتير من افكارك دي حتي لو هما قريبين يا ستي اكتر بس انتي موجوعه وشايله الهم كده لان انتي الكبيره و عشان خوفك عليهم بسبب تعبهم كل دي حجات بتفكري انتي فيها بس هما لما يعرفوا اكيد هيزعلوا ويتوجعوا بس كمان هيتوجعوا عشانك عشان شيلتي كل ده لوحدك بكره تقولي ليله قالت

قرب فضل منهم و هو معاه القهوه و عينه كانت علي نعيمه وشافها معيطه مسحت دموعها و عدلت نفسها

ليله….شكرا يا فضل

فضل…..العفو يا ليله بص لنعيمه طب ايه بقي احنا هنفضل كده كتير ولا ايه خدي بالك انا مطول بالي عليكي و مطنش اللي بتعمليه في نفسك ده عشان بقول غصب عنها بس اكتر من كده و مش هسكت

ليله….اه ما انت لو مسيطر بقي يا عم فضل هتشوف الليله دي

فضل…لا بجد والله اللي بتعملوا ده غلط عارف انه غصب عنها و عارف انه مش بمزاجها ومقدر جدا اللي هي فيه بس و بعدين هتبسط لما يجرالك حاجه

نعيمه…انا كويسه يا فضل

فضل….لا يا نعيمه مش كويسه لو بصيتي في المرايا ثواني هتعرفي بقي فيكي ايه

نعيمه…..عايزني اعمل ايه طيب اتبسط اضحك افرح بعمل كده والله فرحت بفوقان نسمه و البنات بيضحكوني باكل وبشرب و بعمل كله بس غصب عني جوايا وجع كبير اوي

فضل…عارف وكلما عارفين و مقدرين بس سؤالي بقي اللي بتعمليه ده هيرجع اللي راح

نعيمه….بدموع مين قالك اني بعيط عشان ارجع اللي راح انا بعيط عشان مفيش حاجه هترجع فضل انا امي وابويا دفنتهم بايدي انت مستوعب

فضل….بنظره حزن مستوعب و مقدر و قولتهالك قبل كده و بقولهالك تاني انا لو في نفس موقفك جايز مكنتش قدرت اقف نفس وقفتك مش انا راجل هو بس مكنتش هقدر عارف والله ان اللي فات ده كله صعب بس يا نعيمه اخواتك في عرض اي حاجه توقفهم علي رجليهم و اختك مش مبطله اسئله لو شافتك الوقت وانتي عينك مش باينه من العياط و سالتك هتقوليها ايه لو حست بس هتقدري توقفيها وقتها هتقولي ياريتني خبيت اكتر عشان متوصلش للحاله دي فا احنا في غني عن كل ده الحمد لله ربنا استجاب لدعائنا كلنا وقومها بالسلامه نحافظ بقي علي صحتها نحمد ربنا نرضي

نعيمه….هو انت ليه فاكر ان اللي انا فيه ده عدم رضي انا راضيه والله راضيه بس قلبي واجعني يا ناس مش قادره و ده مش بمزاجي فضل انا شوفت امي وابويا واخواتي طايرين قدامي من عالكوبري شوفت العربيه وهي واقعه علي وشها و متدمره وهما جواها شوفت دم في كل مكان شوفت اختي وهي ملامحها مش باينه من الدم وقفت علي غسل امي و ابويا دفنتهم بايدي و رجعت جري مع صاحبتي الي بتموت و ملحقتش احزن عليهم او استني شويه معاهم في القبر شوفت اخواتي وهما خارج من كله حته في جسمهك سلك وجهاز شوفت اخويا قدام عيني قلبه بيقف مرتين مضطره البس الوان واعمل نفسي مبسوطه عشان اختي متتنكسش مضطره اكدب واحلف واقول انهم بخير و اتعامل علي ان يارب عقبالهم هما كمان يخرجوا بالسلامه زيك انت فاكر اني بضحك علي نسمه ده انا بضحك علي نفسي يا فضل عايزني اكون ازاي بجد