لقاء كارثي

ليله….بابتسامه طب تعالي بقي اضحكك بمناسبه شدة الاعصاب لما نسمه فاقت كلموا فضل و عرفوا يقوم فضل جاي جري هو وعسال من الصبح وقف يخبط عالباب بسرعة و احنا لسه صاحيين اصلا و مش عايزي يشيل ايده هو ياعيني فرحان ما صدق يسمع خبر عدل فقالك هروح افاجئ نعيمه وافرحها انا فتحت الباب اول ما شوفتهم والله يا ايمي حسيت ان رجلي بتخوني مش قادره اقف و تنحت بصيت الاول علي نوني لاقيت يا قلبي وشها مخطوف و شفايفيها بيضه وفضل بقي مش يركز لا يقولها البسي بسرعه عشان نروح المسستفي يعني حتي بدايه كلامه توقع القلب مقالش مثلا في الاول نسمه فاقت انا هنا قولت حد فيهم جراله حاجه

ايمي……بعد الشر اخس عليك يا فضل

ليله…..بضحك والله يا ايمي اول ما فضل قال نسمه فاقت و الدكتور قالي نروح انا مبقتش عارفه اقف خالص نعيمه انهارت حرفيا و قعدت عالكرسي رجليها مش شيلاها

ايمي…..ما طبعا حقها

ليله….نودي بقي البنيك اتاك وسنينه

ايمي…..تعبت

ليله….مكانتش عارفه تتنفس ميدو جري عليها و انا بقيت بجر رجلي والله غسلتلها وشها و بقيت بحاول اهدي في نعيمه وفضل واقف استوعب المصيبه اللي عملها بس حرام هو مش قاصد

ايمي…..ايوه عايز يفرحها بس اختار توقيت غلط انا بقولك اي تليفون يجي لرشيد و المح عليه اسم حد من الشباب قلبي بتقبض واقول خير يارب بجد الفتره دي احنا اعصابنا اتدمرت حرفيا و اي خبر يقلق

ليله….هو فضل يتأسف كتير و اتخض اصلا بس الحمد لله عدت علي خير

ايمي…..الحمد لله انا مبحبش المفاجات

ليله….ولا انا طول عمري بتوتر حتي لو مفجاه تفرح

الباب خبط

ايمي….ده اكيد رشيد او عشري

ليله….عشري لا مش هيجي الا لو عرف ان رشيد جه

راحت چوي فتحت الباب كان رشيد وعشري مع بعض

ايمي….بابتسامه اهو طلعوا الاتنين مع بعض

بصت ليله لعشري بابتسامه بسيطه كانها بتستحلفلوا و رافعه حاجبها

رشيد…..لولي عامله ايه يا قلبي

ليله…..هاي رشيد اخبارك ايه

رشيد….زي الفل قرب من ايمي باس خدها ايه الاخبار يا قلبي

ايمي…الحمد لله اهلا اهلا بالبلطجي

عشري….بضحكه جميله الكنزايه بتاعتي عامله ايه يا ايمي وحشاني

ايمي…انت اكتر كملت بهمس مسموع استلقي وعدك

عشري…..بضحك بص لليله حسيت من اول ما دخلت بس ليه طيب قرب من ليله باسها كانت قاعده عالبار ايه يا حبيبي كويسه