لقاء كارثي

نغم…انا مش قصدي اكيد طبعا فاهمه بس اقصد انك حتي مش بتبصلي و لما سلمت عليا كان باين انك مضايق فا انا بسالك يمكن تكون مضايق مني الصبح لما وصلتني كنت كويس و بتضحك

تامر ….انتي زعلتيني يا نغم

نغم….ااا لا والله انا بحاول افتكر حصل ايه بس مش لاقيه

تامر……بهدوء طيب خلاص شاغله دماغك ليه بقي اديكي بتقولي ان مكانش في حاجه يعني انا مش زعلان

نغم….طريقتك دي اصلا بتقول اني مزعلاك يا تامر

تامر…وانا سالتك زعلتيني قولتي لا يبقي اكيد مش زعلان

نغم….يعني دي طريقتك العاديه معايا تامر انا مش اول ظره اتعامل معاك علي فكره واكيد عرفتك و حفظت طريقتك بص هو في حاجه واحده اللي حصلت و شاكه انها تكون مزعلاك بس كمان شايفه انه لا

تامر…..حاجه ايه

نغم….يعني انت اتصلت وانا كنسلت لاني مكنتش هعرف ارد عليك و بعدين اتلخمت في الشغل و مع زمايلي و نسيت اكلمك بس لما خلصت و كلمتك وانا نازله مردتش عليا

تامر……نسيتي ؟!

نغم…..مقصدش نسيت يعني انت عارف انا لسه جديده في الشغل ولسه بتوعد علي الموجودين انا بس اتلخمت في كذا حاجه وكان في شغل و ورق كتير بيتطبع و بعدين نزلت التدريب و مكنتش عارفه امسك الموبايل اتلخمت انت اكيد عارف و مجرب انك تتشغل في شغلك بتنسي نفسك وبعدين انا كنسلت عليك قبل كده كتير و مزعلتش

تامر…..يمكن عشان كنتي مبتنسيش اني اتصلت

نغم…..ما انا قولتلك اتلخمت في الشغل

تامر…..بجد طيب الله يعينك عموما انا كنت بطمن عليكي

نغم….تامر بلاش طريقتك دي

تامر…..مالها طريقتي انا بدعيلك

نغم….لا بتتريق يا تامر

تامر…..وليه هتريق انتي بتقولي نسيتي تكلميني و اتصلتي بعد سبع ساعات لما خلصتي شغلك فا دي حاجه تخليني افهم انك مش عيزاني اتصل عليكي طول ما انتي في الشغل

نغم….لا طبعا ما انا برد عليك عادي و بتصل بيك كمان انهارده بس اللي مردتش ولا اتصلت

تامر…امممم ليكي حق وعاذرك ما اول يومين لسه متعرفنيش علي الموجودين بس انهارده اتعرفتي و كنت بتتكلمي و بتهزري مع حسام تقريبا صح

نغم…..حسام لا مش فاهمه

تامر….امممم لا ما انا اتصلت قبل ما تكنسلي و تقريا رديتي بالغلط لانه ملحقش يرن و سمعتك بتتكلمي و بتهزري و في صوت شباب و اللي اسمه حسام ده بيتكلم معاكي قفلت و رجعت اتصلت كنسلتي و من وقتها مردتيش