لقاء كارثي

رشيد…..صح انا معاه

ليله….يافرحتي بيجيب الناقص وكل ما اجي اعمل اكل يخترع اي حاجه

عشري……بريحك واصلا كل اللي في البيت حجات صعبه في عمايلها عشان عارف ان اكلك حلو وبجد بحب اكلك و مش بهزر والله بص يا رشيد ليله اكلها حلو يعني عندها نفس بجد و الاحلي انها بتهتم بالتفاصيل يعني شكل الاكل بيتقدم بشكل حلو قا انا اتعودت علي اكلها وبحبه هي بس اقنعت نفسها اني مش عايزها تعمل اكل

ايمي…..بيريحك ياواطيه

ليله…..اسكتي انتي

ايمي…. لا مش هسكت الراجل معاه حق و فعلا كل اللي قالوا كان بيحصل و بعدين حد يقول للراحه لا

ليله…..شوف مين اللي بيتكلم استاذه فرط حركه اللي مبتهمدش

ضحكوا كلهم

رشيد….معاها حق

ايمي….بضحك بس انت مش وقتك انا بريحها

عشري…..والله العظيم هي حطت فكره في دماغها وكبرتها و صدقتها بس انا لو بجد مش حابب اكلها لو مش هضايقها علي الاقل هلفت نظرها يعني مش ههتم ان يبقي كل حاجه في الفريزر لا هجيب حجات بسيطه ونقضيها وقتها هيبقي ليها حق تشك انا ليه مش بجيب بس الفكره اني مقدر تعب ليله جدا سواء في شغلها او معاكم و متفهمنيش غلط بمعاكم دي يا ايمي طبعا انا عارف ان كلكم علاقتكم ببعض حلوه و اللي فيكم يقدر يعمل حاجه عشان التانيه محدش بيقصر لكن اقصد مش هيبقي عندي دم لو بعد يوم مرهق كل اللي شغلني الاكل انا راحتها عندي بالدنيا و اي حاجه تيجي بعد راحتها لكن لو عليا اكيد اتمني اكل من ايدها يوميا بس احنا لازم يكون في بينا شعور ببعض وانا لو محستش بتعبها والمجهود اللي هي بجد بتعملوا يبقي مستاهلش حبها خصوصا ان ليله مش من النوع اللي بيقصر او اللي ما بيصدق خالص والله زي ما انتوا شايفين هي مضايقه اني بريحها و بالعكس هي ممكن بعد يوم طويل و مشاوير تبقي بتفكر في البيت و الاكل فا هي مش مقصره عقلها اصلا مش بيبطل تفكير في اهتمامها بكل اللي حواليها فا انا علي الاقل اهتم بيها و سط ضغط يومها ده كله بس والله و علي فكره لنا ايمي قالتلي تعالي قولتلها ليله مش هتوافق عشان كنت عارف انك راجعه وناويه تعملي اكل

ايمي…..والله انتي ما عندك دم الراجل قلبه عليكي

رشيد…بابتسامه صراحه لو غلطه في راحتك يبقي هو مش غلطان و اما اشهد انك فهلا بتبذلي مجهود و تعبانه مع الكل و عشري علي فكره هو اه بيحب الاكل بس كمان مش من النوع اللي ممكن يخرب الدنيا لو مفيش اكل اظن في رجاله كتير كده