لقاء كارثي

اميمه…..بالف هنا دي حجات بسيطه كلي انتي واختك انا عارفه انكم مش هتاكلوا من اكل المستشفي

قمر…اكل المستشفي ميتاكلش

نعيمه…عارفه والله بس فضل و ليله جايبين حجات كتير و انتوا كل شويه بتجيبوا محدش يجيب بقي اي حاجه الا لما يسالني

ليله….سيبيهم انا هظبطلك كل حاجه قبل ما امشي

تقي….اعملي حسابك انا بايته معاكم انهارده

نعيمه…..خليكي يا تقي عشان مذاكرتك وشغلك

تقي….انا جايبه معايا اللي هذاكره اطلعي منها انتي وبكره مفيش شغل هقعد اذاكر انا واختك و هعمل فيها مدرسه عليكي خدي بالك

نسمه…. بابتسامه ماشي موافقه

غيروا المود بتاعهم كلهم اتكلموا ضحكوا فرحوا بسلامه نسمه كل واحد فيهم كان بيحاول يسند نعيمه من ناحيه و من ناحيه تانيه يخبوا علي نسمه اي حاجه ممكن تتعبها

عدي….بهمس حبيب يانا هقوم بقي اروح الشغل عشان كمان منبقاش كتير هكلمك

تقي….طيب تمام يا قلبي

عدي….ممكن علي اخر النهار كده لو عرفت اعدي عليكم هاجي و لو محتاجه اي حاجه كلميني

تقي…..لا متجيبش اي حاجه اديك شايف كل حاجه موجوده

عدي….تمام عموما لو احتاجتوا حاجه عرفوني

تقي…تمام يا قلبي لما توصل بس كلمني

عدي…حاضر نوني انا همشي انا بقي عشان منبقاش كتير و عشان عندي شغل ممكن ارجعلكم بليل

نعيمه….لا روح انت يا عدي و متجيش بالله عليك عشان تشوف اللي وراك

عدي…..حمد الله علي سلامه نسمه

نعيمه…الله يسلمك يارب

عدي….حمد الله علي سلامتك يا نسوم

نسمه…الله يسلمك يا عدي

نعيمه….بهمس فضل لو وراك يا حبيبي روح اعملها انت وسليم هما كلهم معايا روح ارتاح شويه

فضل….لا انا هاخد سليم و انزل تحت في الكافيتريا شويه و خليكم براحتكم

نعيمه…لا لو مش وراك حاجه خليك هتنزل ليه

فضل….لا عشان تبقوا براحتكم و المكان ميبقاش زحمه اصلا نجود و انونه في الطريق كمان انا هبقي تحت ماشي

نعيمه…طيب يا حبيبي

دقايق بسيطه مشي عدي و نزل سليم و فضل تحت و فضلوا هنا كلهم مع بعض شويه و حات زوزو مع حماده و وراهم نجود وامينه

الكل كان مبسوط ان نسمه بخير و بتتكلم و فايقه بعد رقده طويله

ماريز…..وحشتيني يابت

نسمه….بضحكه جميله انتوا اكتر والله

حماده…..الف حمد الله علي سلامتك يا ست البنات شده و تزول و تخرجي من هنا بالف خير يارب

نسمه….يارب يا حماده و نادر و بابا وماما كمان