لقاء كارثي

نغم…..اااا ابوه بس هو انا اكبد دوست بالغلط يعني انت سامع مكنتش لوحدي

تامر….تمام يا نغم عموما انا مش زعلان انا بس مشغول وعندي شغل ممكن بقي اخلصوا

سكتت ثواني و مردتش مش عارفه تقولوا ايه

تامر…..سمعاني

نغم….ايوه سمعاك خلاص روح

تامر…تصبحي علي خير

نغم…وانت من اهله

قفلت نغم وهي مش عارفه تزعل منه علي طريقته ولا تفرح انه غيران عليها تبرر موقفها ولا تسيبه كده بس في كل الاحوال كانت مضايقه وخافت انه يزعل منها بجد او يفكر انها بتتسلي مع شباب

……………

عند ايه و سلامه

كان هو في الاوضه وهي راحت فتحت الغساله طلعت الغسيل و فجأه بصت علي تيشرت بتاع سلامه و برقت

ايه…..نهار اسوووود ده التيشرت ده كان اوف وايت الله يخربيتك انت ايه اللي جابك في الابيض

فضلت تبص حواليها وتتاكد ان سلامه مش واقف او سامعها

ايه…..طب اعمل في امك ايه ارميك ولا اعمل نفسي عبيطه

سكتت شويه و ابتسمت

ايه…..حلو الابيض برضوا والله انضف من الاوف وايت

ضحكت و بعدين راحت تعلق الهدوم عالمنشر بكل هدوء

وللحديث بقيه …