لقاء كارثي

ايمي….قومي بوسي الراجل ياللي معندكيش دم يا واطيه

ليله….. بابتسامه سخنتهم عليا صح

عشري….بضحك والاه تبدا بس هما فهموني انتي مش عايزه تفهميني عشان حاطه في دكاغك فكره بس احنا فيها نعدي انهارده و من بكره ارجع كل يوم الاقي اكل تقولي بقي تعبانه مش قادره ملحقتش مش بتاعتي هنكد عليكي حلو الكلام

ليله….بضحك ماشي موافقه بس يارب ما نرجع في كلامنا

عشري….ياستي مش هرجع و بكره عايز اكل في البيت حلو كده

ليله…..ماشي اتفقنا كملت بابتسامه تجنن عايز تاكل ايه

عشري….بنظره تجنن ضحك و قرب ضمها وباس راسها اي حاجه من ايدك موافق عليها

ايمي…..بضحك عشري بيفكرني بيا انا وانتي لما نفرج الدنيا علي بعض و بعدين نتصالح

ليله…. بضحك لا انا وانتي ملناش زي

رشيد….افتكروا حاجه عدله عشان زعلكم من بعض بيجي فوق راسي انا

ليله….بضحك بتطلع عينك صح

رشيد….عيني بس دي بتطلع كل حاجه بس بحبها مقدرش ازعلها

ايمي…….قلبي انت طب ايه مش هناكل يلا

عشري…. بضحك هي ايمي بقت شبه الكوره ولا انا بيتهيألي

ليله……بضحك اجري انا الوقت

ايمي……خير يا ظريف بكره نشوف مراتك يا اخويا هتبقي عامله ازاي

عشري….قمر طبعا مراتي طويله مش زيك اوزعه

ايمي….بضحك طب لمي جوزك عشان مرتكبش فيه جري\مه

ليله….بضحك لا خلاص والنبي سيبيه

رشيد….ايمي انا جعان

ايمي…بحب قربت منه و حضنته من وسطه عيوني باسته من شفايفه

عشري وليله فضلوا يضحكوا عليهم و يبصولهم بحب و بعد وقت بسيط جهزوا الاكل و كلوا و قضوا وقت جميل..

…………..

نغم كانت في الاوضه و مضايقه و مش علي بعضها بنحاول تعرف تامر ماله وليه متجاهل وجودها او بمعني اصح مش بيجيب عينه في عينها ولو جات بيبصلها بصه زعل و لما رجعوا واتعشوا مقالش ولا كلمه كان بيتكلم مع ابوه بس و بعدين دخل قال هينام مكانتش عارفه تتكلم معاه ولا قادره حتي تتصل بيه تسألوا شويه تمسك الموبايل عشان تبعتلوا و بعدين ترجع في كلامها

شويه تفكر تتصل بيه و ترجع تاني كرامتها وجعاها لانه كان مبيتكلمش معاها خالص و في المستشفي كان بيضحك مع نعيمه ونسمه وتقي و باين انه كويس فضلت تفكر حصل ايه طول اليوم و بعدين افتكرت انه اتصل بيها مره و كنسلت و متصلتش بيه طول اليوم نسيت اتصلت بس وهي مستنيه احمد عشان يورحوا المستشفي بس هو مردش