لقاء كارثي
لقاء كارثي
رشيد….ماشي يا عمري يلا روحي افطري و خدي شاور و ظبطي نفسك وشويه و هكلمك
ايمي…. اسمع
رشيد…قولي
ايمي…انت روحت لنعيمه
رشيد….لا انا قولت استني شويه و اشوف حجات في الشغل و هقوم بعد شويه ابص عليها كده هي و نسمه
ايمي…..طيب ممكن اطلب منك طلب
رشيد….طبعا عيوني
ايمي….ممكن تجيب لايمي غداء و انت رايح هي عامله زيي انا والبنات مش بتحب اكل المستشفي انا عارفه انهم اكيد جايبين فطار و عصاير بس هي اكيد اضايقت من اكل بره
رشيد….بس كده عيوني اجيبلها هي بتحب ايه اجيبلها بيتزا ولا برجر ولا اجيبلها فراخ مشويه
ايمي…اممم ممكن بيتزا هي بتحبها و في نفس الوقت سريعه
رشيد….طيب تمام اجيبلها بطاطس مع الاكل
ايمي…انت ظبطها بقي
رشيد…طيب خلاص اااا نسمه بدات تاكل
ايمي….والله مش عارفه يا رشيد لحد امبارح مكانتش لسه بتاكل وانا لسه مكلمتهمش
رشيد…طيب بصي انا لو اتصلت بنعيمه اسألها هتقولي متجيبش حاجه فا انا هجيب بزياده عشان لو حد كمان هناك ياكل معاهم و يفتحوا نفس بعض ولو بدات تاكل اهي تاكل معاهم حتي لو حاجه بسيطه قوليلي اجيبلها اي حاجه حلوه بتحبها
ايمي…..هي نعيمه بتحب الحلو بس هي مش هترضي انت عارف نعيمه ملهاش نفس لاي حاجه في الدنيا المهم بس تاكل
رشيد….طيب عيوني انا هخلص اللي في ايدي ده وهقوم علي طول اجيب الاكل واروحلها
ايمي….تمام يا حبيبي و ياريت انت كمان تبقي تاكل حاجه بسيطه عشان ناكل بليل مع بعض
رشيد…تمام ياروحي يلا شويه واتصل عليكي
ايمي…..اوك يا حبيبي باي
……………
صحيت نادين و قامت خرجت علي بره لقت عسال و شيرين واقفين مع بعض في المطبخ هو واقف مربع تيده وساند عالتلاجه و باصصلها وهي واقفه تتكلم معاه و تجهز في الفطار لمحتها شيرين و ابتسمت
شيرين….اهلا بالقمر بتاعي صباح الفل
نادين…..بأبتسامه كلها سعاده صباح الخير يا مامي
قرب عسال باس راسها
عسال….صباح النور يا قلبي
نادين….صباح الخير انتوا صاحين بقالكم كتير ولا ايه
عسال…..لا مش كتير اوي انا صحيت قولت اجهز الفطار عشان اصحيكي و بعدين تصحيهم نفطر لاقيت شيري صحيت و صممت تحضر هي الفطار
نادين…..تسلم ايدك اساعدك في ايه طيب
شيرين….ولا اي حاجه انا قربت خلاص اخلص
نادين…مروچ وجاسم نايمين لسه
شيرين….اه روحي صحيهم عشان هننزل لنعيمه صح
