لقاء كارثي

تقي…..عيوني وانت يا تامر

تامر…..لو مش هتعبك شاي ممكن

تقي….لا مش هتتعبني بس في نسكافيه وقهوه كمان

تامر….لا شاي خلاص

تقي…..حمودي هعملك شاي مع تامر

احمد….طيب ماشي بس حبه صغيره

تقي….عيوني نغوم تشربي ايه

نغم…لا مش عايزه والله انا شربت عصير خلاص

تقي….اشربي تاني يابت بقولك عايزين نخلص كن كل الحجات دي

نغم… بابتسامه والله ما قادره لو عايزه هقولك

تامر….هو انتي ليه قاعده لحد الوقت صحيح

تقي…..بطريقه مضحكه لا بعد اذنك اتكلم معايا باسلوب احسن من كده انا قاعده علي قلبك ولا ايه يا عم تامر

ضحكوا كلهم

نعيمه…بضحك جيبته لروحك

تامر…..بضحك يا ام لسان طويل مش قصدي بس مستغرب

تقي…..لا ما انا هبات هنا معاهم عشان اقفش القمر دي و اذاكرلها

محمود…تذاكري ايه ياستي سيبي البت في حالها خليها ترتاح

تقي….اطلع منها انت كمان يا استاذ حودا خلاص مفيش راحه في مذاكره و في تعب و شقي عشان تنجح و نخلص من السنه دي ملكيش دعوه بيه متسمعيش كلامه

نسمه….بضحك حاضر

تقي…..اتفضل العصير بتاعك

محمود….يا ساااتر شكرا

تقي….مصدقت اقنعتها جاي تقويها عليا

محمود…والله ابدا بس عشان متصدعش

تقي….انا اللي هقرأ ليها متقلقش

احمد….خليها اهم يتسلوا و يضيعوا وقت و في نفس الوقت تشوف اللي فاتها

تامر….ربنا معاكم يارب

نسمه….هو انتوا شوفتوا نادر و ماما و بابا في الرعايه

سكوت ثواني و نظرات لبعض سريعه

احمد….اه اه و كنا بنشوفك

تامر…..مكناش بندخل جوه بنشوفكم بس من بره

نسمه…ايوه يعني شوفتوهم وهما كويسين صح

تامر….اه بخير الحمد لله و قريب نفرح بخروجهم زي ما فرحنا بخروجك كده

نسمه……هو ممكن تتكلموا مع الدكتور اروح اشوفهم

نعيمه….تاني با نسمه مش الدكتور قال الحركه هتكون بس جوه الاوضه و ممنوع تخرجي بره

نسمه……هقعد علي كرسي يعني مش هتحرك ولا هما فيهم حاجه و بتكدبوا عليا

تامر….هنكدب عليكي ليه بس هما بخير علي فكره نادر كان جنب في الاوضه بس نوجا ودولا كانوا ابعد شويه يعني ممكن تكوني لمحتي نادر علي الاقل

نسمه…لا مشفتوش

محمود….هما بخير يا نسمه متقلقيش

نسمه…طيب ليه محدش فيهم فاق

احمد….مش مهم المهم انهم بخير و بعدين نستعجل ليه كل تأخيره وفيها خيره

تامر…..علي فكره الدكتور كان قايل عليكم كلكم مش معني انهم في غيبوبه ده خطر عليهم اهم حاجه ان مؤشراتهم الحيويه بخير و الحمد لله كلكم زي الفل