لقاء كارثي

ايمي…..طيب ونادر في اخبار عنه

نعيمه….بروح ابص عليه بس زي ما هو لكن الحمد لله حالته مستقره

ايمي….ان شاء الله يقوم بالسلامه هو كمان والفرحه تبقي فرحتيني اتحملي يابت اجمدي وربنا هيعوضك احسن عوض

نعيمه…ادعيلي يا ايمي

ايمي…مشاء الله يا زين ما اختارتي اللي يدعيلك

ضحكت نعيمه و قبل ما تضحك حطت ليله أيدها علي بوئها

ليله….بصحك ايمي يا واطيه قولتلها ايه

نعيمه….هموت منها بقولها ادعيلي بتقولي يا زين ما اختارتي اللي يدعيلك

ايمي….بضحك ياناس عالضحكه اللي وحشتني اه يا تربيه وسخه هموت واقوم اجيلكم الوقت

نعيمه….بضحك لا خليكي والنبي

ايمي…..طيب ابقي خدي بالك من موبايلك عشان لو كلمتك وعلي فكره زوزو شويه وجيالك

نعيمه…. خليها ترتاح يا ايمي بالله عليكي قوليلها نوني بتقولك والنبي ارتاحي

ايمي…..هي زي الفل و خليها تيجي عشان تطمني بدل ما اتجنن واجي انا نزلت لقتها بتجهز اكل وحجات ليكي عرفت انها جيالك

نعيمه…يابنتي متخليهاش تتعب نفسها والله ليله جابتلي وهي جايه مع عشري و فضل جايبلي هو وسليم اصلا انا مش باكل

ايمي….لا كلي و اكلي اختك عشان ترجع بطل يابطل

نعيمه…. بضحكه جميله حاضر عيني طمنيني علي حماده بقي احسن

ايمي….زي الفل والله هتشوفيه انهارده

نعيمه…هو جاي هو كمان

ايمي….اه بس بيني وبينك شاكه فيه هو زوزو شكلهم كده عاملينك حجتهم وهما بيغفلونا

نعيمه….بضحك ابوكي عايز يستفرد بزوزو

ايمي….لا ابويا طيب هي اللي عايزه تستفرد بيه

نعيمه…. بضحك وحشتيني يا جزمه

ايمي….انتي اكتر والله يا قلبي خدي بالك من نفسك و روق كده يا بطل عشان نخلص بقي من اخواتك و يفوقوا ويرجعوا ونرجع احنا كمان لقلة ادبنا انا محوشالكم شويه قله ادب اورجانيك

نعيمه….بضحك خلاص اتفقنا ادعيلهم انتي بس

ايمي…..انتي تاني

نعيمه…بضحك ياستي ادعي انتي هتخسري حاجه

ايمي…والله بدعيلهم ربنا يقومهم بالسلامه ويفرح قلبك و يعدي كل الفتره دي علي خير و نرجع تاني زي ما كنا

نعيمه…يارب يا ايمي يارب يا قلب يوحياتي عندك ارتاحي علي قد ما تقدري ماشي

ايمي….حاضر يا روحي هاتي البت البلطجيه

نعيمه… بابتسامه خدي يا بلطجيه

ليله….قامت و خدت منها الموبايل ايه يا قلبي

ايمي….. وحشتني يا قمر

ليله….وحياة امك بعد ايه ده انتي ولا عبرتيني يا واطيه بقولك صباح الخير دخلتي شمال