لقاء كارثي

ليله….بابتسامه اه والله استنوا الووو

ايمي…..انتي فين

ليله….طب قولي صباح الخير مساء الخير اي حاجه

ايمي…..اخلصي انتي فين

ليله….احيبيييه عليا اوعي تقولي انك جايه

ايمي….جايه فين

لياه…المستشفي ماهو سؤالك ده حسسني انك جايه

ايمي…بضحك لا اطمني يا اختي هتلاقيني فوق راسكم في اي وقت مش هفضل عاقله كتير انا

ليله…لا انتي ست العاقلين

ايمي….ثبتي امي بقولك ايه

ليله….قولي يا قلبي

ايمي…..بكلم نعيمه مش بترد هو في حاجه

ليله….نعيمه جنبي اهي وكله زي الفل تليفونك في الاوضه ولا ايه

نعيمه….لا اهو طلعته من جيبها ده سايلنت معلش قافله الصوت عشان نسمه بتنام ومش عيزاها تقلق

ليله….هي بتطمن عليكي خدي اهي معاكي يا ايمي

نعيمه…الووو

ايمي….قلبي قلبي القمر البطل بتاعي

نعيمه…. بضحكه جميله وحشتيني

ايمي….انتي اكتر والله العظيم و بكره ولا بعده هتلاقيني عندك

نعيمه…لا متجيش و متتعبيش قلبي عشان انا علي اخري اصلا هتيجي تعملي ايه

ايمي…اطمن علي البت الي فاقت دي بنفسي

نعيمه…زي الفل وانا بخير وكله تمام ابوس ايدك اتلمي بقي شويه عايزينك تولدي ونخلص منك دي اطول فتره حمل شوفتها في حياتي

ايمي…..بضحك اه يا اوطي من الرصيف علي راي ليله انتي يابت بتطلعيني مسرح انا لسه في السادس

نعيمه….بس فرط الحركه اللي عند اهلك و تعبك ده خلانا نحس ان بقالك قرن لما خلاص زهقنا منك

ايمي….والله انا اللي زهقت يا نوني و نفسي افتح عيني واقفلها الاقي نفسي ولدت وارتاحت

نعيمه….بامر الله تقومي بالسلامه انتي و قلب خالتهم دول بس لو انا غاليه عندك بجد متتحركيش و متتعبيش نفسك كلميني بس لو حابه ان شالله كل دقيقه بس والنبي يا ايمي ما تيجي انا والله تعبت بما فيه الكفايه الفتره دي و مش حمل اي حاجه وحشه تاني لو بتحبيني بجد حافظي علي نفسك وعليهم عشان تولدي و نفرح كلما بيكي وبيهم

ايمي….حاضر يا نوني المهم طمنيني عليكي انتي كويسه

نعيمه….زي الفل والله

ايمي….صوتك مش عاجبني هي نسمه كويسه

نعيمه… بخير والله هي بس مش مبطله اسئله

ايمي…معلش اتحملي يا قلبي غصب عنها هي اكيد قلقانه عليهم و اكيد هتفكر انا حصل فيا كده طيب هما حصل فيهم ايه اتعاملي معاها علي انها عيله صغيره بتسال كتير

نعيمه….والله بعمل كده علي قد ما بقدر مش عيزاها تحس باي حاجه