لقاء كارثي

احمد….ايه خايف من كلب يا مصطفي

مصطفي…ده بلطجي يا عم احمد مش كلب

سلامه…..عشري بيلقح عليك خد بالك

مصطفي……ياعم ما بلاش عشري و ربنا الكلب اهون

ضحكوا كلهم و بعدين قعدوا مع بعض

احمد…عامله ايه يا ست حنان

حنان…في نعمه الحمد لله

احمد…اللهم ديمها نعمه عامله ايه يا زوزو

ماريز….بخير يا احمد مجبتش حماده معاك ليه

احمد..جاي ورايا

ماريز…والله

احمد….اه والله عديتا عليه قولت اجيبه بدل ماهو قاعد كده لوحده بس قالي هغير و محمود قالي اسبقوا انتوا هيجيب ريهام كمان و يجوا سوا

ماريز….طيب كويس بدل ماهو قاعد كده لوحده

احمد….ربنا يثبر قلبه و يصبرنا جميعا يارب ايه يا حبيبتي طمنيني عليكي

نعيمه….الحمد لله يا حمودي كويسه

احمد….عايزين نجمد كده و نشد حيلنا لسه قدامنا مشوار ولازم تكوني قده اخواتك يا بابا محتاجين يلاقوا سند و حضن يطبطب و يقوي عارف ان الحمل كبير بس انتي قده يا نعيمه انتي الكبيره يا حبيبتي

نعيمه….. بلمعه في عينها مفتكرش هبقي قده يا حمودي ده اختبار اكبر من قدرتي بكتير

احمد…بابتسامه حنونه و حزن مين قال بس هو ربنا بيحط حد في اختبار الا لو كان قده ربك مش ظالم يا نعيمه و لا بيشيل حد فوق طاقته يمكن الوجع كبير والخساره كبيره عارف والله بس صدقيني يا بنتي ربنا لو عارف انك مش حملها مش هيبتليكي بيها

نعيمه….بس انا تعبانه اوي

احمد…حقك طبعا محدش فينا بقدر يقول انك بتدلعي او الحمل بسيط او اللي حصل ده يتنسي في يوم وليله خالص ده يهد جبل والله يا حبيبتي بس ربنا عارف انك اقوي من الجبل نفسه يمكن انتي تعبتي و قلبك موجوع و مش حاسه بقوتك دي لان الوجع لسه صاحي بس صدقيني انتي قدها و هتقدري تكملي و هتبقي الحضن والامان لاخواتك و هما كمان هيبقوا الحضن والامان ليكي جايز كلنا جنبك انتي وهما و محدش فينا هيسيبكم و عدم وجودك عادل ونجلاء مش هيغير حاجه من علاقتنا او قربنا ليكم بس دعمك انتي واخواتك لبعض اقوي بكتير من وجودنا احنا هتستقوا ببعض و تدفوا بعض بحضنكم يمكن لو قولتلك الوجع بعد فتره بيختفي ابقي كداب بس بيهدي

دموعك عليهم مش حرام و لا عدم رضا هيجي عليكي وقت ولو بعد سنين هيمروا قدام عينك زي الطيف هتفتكريهم بذكري هتفتكريهم بموقف مشابه حصل بنفس التفاصيل معاهم هتفتكريهم بمكان بأكله بمشروب باغنيه بكلمه متعوده تسمعيها من لسانهم من صوره من مسلسل او فيلم امك كانت بتحبه من كتاب ابوكي كان بيحب يقرا فيه من موقف هتحسي فيه انك كنتي محتاجه وقفتك جنبك في الموقف ده هتعيطي و تحني و تشتاقي لان ده حال الدنيا بس وجعك اللي القوي اللي انتي حاسه بيه ده هيبقي تعود مع الوقت قلبك هيتأقلم اينعم هيخونك اوقات و يتوجع بس هترجعي وتكملي عشان هتبقي وقتها مدركه ان الحياه لازم تستمر ابوكي وامك نفسهم ابوهم وامهم ماتوا تفتكري هما وقتها محزنوش حزنوا و اتوجعوا بس كملوا عشان ايقنوا ان ده حال الدنيا