لقاء كارثي

سلمي….عايزه اقولك ان الصحه اللي بتاخد فيها المصل بقوا صحاب ايه اول ما يشوفوها يطلعوا المصل من غير ما يسالوها جايه ليه

مصطفي…..ما طبعا اتعودوا

نادين…..لا بس بجد ارثر شكلوا يخوف اكتر يعني اكبر واضخم ازاي مش بتخاف منه

مصطفي….ارثر جاي وهو جرو صغير اتعودنا عليه و بجد والله طيب و مش شرس تحسيه زي ميدو كده

عسال….بصلوا بصدمه وابتسم خير يا ظريف

ضحكوا كلهم عليهم

عشري……زي ميدو ازاي

مصطفي…بضحك يا عم اقصد طيب زيك اتطبع بطباعك

حسان…ايوه كده اظبط كلامك بدل ما يروق عليك

مصطفي….بضحك لا ده حبيبي

عسال….بس يا جبان

مصطفي….والله لو شفت الكلب هتعرف ان معايا حق الكلب غبي اوي بيهوهو عليا كأني واكل ورثه ابن الواطيه

امنيه…احمد ربنا انه معضكش

مصطفي….انا هصلي ركعتين شكر لله

ضحكوا كلهم علي طريقته

سلمي…..بابتسامه امسك يا سلامه تعالي طهرلوا الجرح

سلامه….هاتي مع اني نفسي اسيبه يمكن يهوهو

مصطفي…..ياعم قولتلك من الباب غير الصنف بقي

فضلوا كلهم يضحكوا و سمعوا الباب خبط تاني

مصطفي…..احيه الكلب

فطسوا كلهم من الضحك علي مصطفي

سلامه…….اه اه بيخبط عشان ينفخك

عشري…هموت منه والله

ايمي….بضحك والله العظيم اتخض بجد

مصطفي….والمصحف كلب غبي صدقيني

فتح عسال الباب لقي احمد و نغم و تامر

ايه و سلمي و الشباب ضحكوا غصب عنهم

نعيمه….بضحكه هاديه ابوكي لو سمعه هينفخه

ايه…هموت والله

احمد….السلام عليكم جميعاً

الجميع… عليكم السلام

قام الشباب سلموا عليه هو و تامر و قربت نغم سلمت علي البنات و علي حنان و زوزو

حسان…..ايه يا حبيبي اخبارك

احمد..الحمد لله يا حبيبي ازيك يا عشري

عشري…بخير يا غالي

قرب من نعيمه ضمها اوي

نعيمه….بابتسامه هاديه طبطبت علي ضهره ه عامل ايه يا حمودي

احمد….انتي عامله ايه طمنيني عليكي

نعيمه….عايشه

احمد….حسك في الدنيا يارب يا حبيبتي ازيك يا فضل

فضل….الحمد لله يا عم احمد

سلامه…..غمز تامر بقولك يا تيمو في كلب تحت واقف

مصطفي…اه والنبي في كلب

تامر….بابتسامه اه في كلب واقف و شكلوا كده بينمر علي حد

مصطفي….نهار اسود بيدور عليا بيدور عليا

ضحكوا كلهم

تامر…اوبااا هو مستنيك انت طب خلي بالك بقي عشان شكله مش ناوي علي خير

مصطفي….صدقتوني و ربنا حد زقه عليا