لقاء كارثي
لقاء كارثي
نعيمه…بابتسامه حرام عليك هو ناقص سلمي هاتيلوا مطهر او برفيوم
مصطفي…..يالهوي علي القلب الحنين خساره فيك يا راعي الغنم
ضحكوا كلهم
حسان…..ايوه انت عمال بتتوه يعني و مقولتش مين اللي عمل فيك كده
مصطفي…حتي انت يا عاقل طب استر عليا
عشري….يبقي اتعلم عليك
سلامه….ولا مين ضربك
مصطفي….نهار اسود ومنيل انتوا هتطلعوا عليا سمعه والمصحف ما حد لمسني
سلامه….طب امال ايه ده
مصطفي…..سكت ثواني وابتسم ااا طيب هقول بس من غير مسرح
سلامه…قول يا اخويا
حنان…هببت ايه
مصطفي…..انا ركنت العربيه الوقت و يادوب بنزل لاقيت كلب طالع من تحت عربيه من بتوعك ابن الكلب صرعني و وقف قلبي جريت بسرعه علي المدخل وانا داخل في في الباب حتت حديد كده صغيره حاميه اوي خربشتني
ضحكوا كلهم و فطسوا من الضحك علي مصطفي
ايه…..بضحك يعني الخربوش ده بسبب كلب
مصطفي…ومالك يا اختي بتقوليها بسهوله كده ليه
ايه….بضحك عشان المفروض ميدو بيربي وحش ماشاء الله و كلكم متعودين عليه
مصطفي….وانتي هتجيبي ارثر المؤدب المتربي لابن الواطيه اللي رعبني ده
عشري….بضحك انت بتتكلم جد يعني الخربوش ده بسبب الكلب
مصطفي….مش هو يعني ده الباب بس هو خوفني
حسان….بابتسامه تصدق بالله كان اشرفلك اقول حد ثبتك ولا انك جريت من كلب
ضحكوا كلهم
ايمي….اه والله
سلامه…..يا وكستي في تربيتك بتجري ياض من كلب
مصطفي….ياعم طلع مره واحده و اتخضيت و الدنيا ساكته طرت قبل ما يقفشني امال عايزني اقفلوا و يعضني
ليله….بضحك بس علي فكره مفيش كلاب كتير هنا واللي هتلاقيه هيبقي طيب هو بس هوهو عادي دول صحابي انا ونوني
نعيمه….لا يا اختي نوني ملهاش علاقه بيهم اتكلمي عن نفسك انا زي مصطفي بطير
مصطفي…..جدعه انفدي بعمرك بدل ما تدبي 21 حقنه
ايه…بقوا ثلاثه
مصطفي…ايه ده ماشاء الله ضغطوهم
نعيمه…اه دي خبره صدقها
ايه….كانوا خمسه وبقوا ثلاثه
مصطفي…شكلك متعوده
سلمي….. ايه اكتر حد خد مصل من عض الملاب
مصطفي…احسن مش عامله فيها فتوه الكلاب
ايه…بضحك مش بيعضوني والله بس ممكن خربوش قوي وانا بحميهم ممكن ضغط خفيفه بسنانهم
مصطفي…..بضحكه تضحك ضغطه خفيفه بسنانهم و عادي كده بتقوليها في وشي
سلامه…..بضحك صحيح هو ايه اللي ضغطه خفيفه
ايه…يعني بيعضوا بس مش عضه جامده فا بضطر اخد مصل
