لقاء كارثي

ليله….بنظره حزن يا شيخه و حياة غلاوتهم عندك كفايه و بطلي تفكري بالطريقه دي شيطانك يا نعيمه هيغلبك ادعي يا قلبي و خلي عندك امل بدل التفكير بالطريقه دي

نعيمه…بدموع مش قادره يا ليله مش قادره والله هموت قلبي بيتحرق يا ناس محدش فيكم حاسي بيا

ليله….ورحمه امي حاسين بيكي كلنا و مقدرين اللي انتي فيه واللي حاسه بيه و مقدرين كمان كل افكارك دي بس خايفين عليكي و عايزينك تهدي شويه

سلمي….يا نوني اخواتك هيبقوا بخير وخلاص هانت يا عمري و مش بعيد تروحي تلاقي حد فيهم فاق و تفرحي و قلبك يطمن بس لازم تهدي ازاي هيشوفوكي كده

فضل…..نوني هما لازم يا قلبي يطمنوا بيكي سلمي معاها حق لو شافوكي بحالتك دي هيتعبوا اكتر و هما هيبقوا محتاجين راحه بعد ما يفوقوا احنا اتفقنا علي ايه

امنيه….قومي يا نعيمه اغسلي وشك يا حبيبتي يلا و صلي كده ركعتين و روحي اطمني علي اخواتك و بعدين شيلوا يا جماعه الشنط دي من قدامها

نادين….والله ما حد فينا طلعهم هنا اصلا في اوضتي من وقتها هي دخلتلي و شافتهم حاولت اخرجها و اخليها تسيبهم مرضيتش

ايمي….خلاص حصل خير نوني يا قلبي اهدي يا ماما كده وصلي علي النبي و ادعيلهم

نعيمه….بدموع شوفتي يا ايمي كاتبه ايه

ايمي…..شوفت يا قلبي والله شوفت هي جميله و قلبها جميل زيها و ربنا هيحميها ويحفظها بأمر الله

ليله….يلا يا نوني قومي تعالي اغسلي وشك و اجهزي يلا عشان نروح نطمن عليهم

فضل…يلا يا قلبي انا هستني بره مع الشباب

خدتها ليله و دخلتها اوضتها و خرج البنات مع فضل بره

ايمي….ايه يا حبيبي

رشيد….ايه الاخبار نعيمه كويسه

ايمي…احسن الحمد لله

عسال…..ايه اللي خلاها تشوف الشنط يا نادين

نادين….والله انا مليش ذنب هي دخلت الباب كان مردود خرجت من التويلت لقيتها قاعده و بتفتح الشنطه حاولت اخرجها مرضيتش بعدها انهارت كده

فضل…حصل خير كده او كده كانت هتشوفهم

عشري….هي ليله فين

سلمي….معاها جوه

عشري…تمام

ماريز….ربنا يريح قلبك يا نعيمه يا بنت نجلاء يارب

امنيه….انا اتخضيت انا وماما لما سمعنا صوتها

ايمي….دي تاني يوم تصحينا علي الخضه دي

ماريز….قلبها محروق يا بنتي ربنا اللي عالم بيها غصب عنها لسه مش مستوعبه

حسان….خير ان شاء الله

رشيد…ايمي انا هوصل لحد المعرض و هحجزلك انهارده عند الدكتوره و هعدي عليكي علي المعاد