لقاء كارثي

و لمت الفرش من الارض اللي اتبهدل خرجت براحه علي التويلت اللي بره بتاع الضيوف و قفت علي الحوض

نزلت مايه علي الجزء بتاع الدم و راحت علي المطبخ جابت مسحوق غسيل حطت منه علي الملايه نضفتها و نزلت منها الدم و بعدين لمتها و راحت علي الغساله حطت الملايه و حطت مسحوق و كلور و شغلتها

غسلت أيدها و حطت مايه في الكاتل تغليها و طلعت باكت يانسون في كوبايه و طلعت طبق صغير حطت فيه تمر و كام بسكوته و بعدين حطت المايه المغليه علي اليانسون

و خدت الصنيه و مشيت براحه دخلت علي الاوضه حطتهم علي الكومدينو

في الوقت ده خرجت ليله وهي بتفتح الباب بهدوء عشان ايمي متصحاش بس لقتها بتحط صنيه و السرير فرشه اتغير و كل حاجه زي ما كانت

قربت منها ايمي بهدوء

ايمي…ايه يا قلبي انتي كويسه ؟

بصتلها ليله و ابتسمت ابتسامه تجنن نظرتها لوحدها ليها تاخد القلب

قربت منها و لفت ابدها علي رقبتها وضمتها اوي و باست خدها و بعدين نامت علي كتفها

ليله….بحبك يا ايمي

ايمي…. بابتسامه هاديه مشت ايدها ضهرها و انا بموت فيكي طمنيني هي الباد سربت ولا انتي بتنزفي ولا ايه بالظبط

ليله…بعدتها و بصتلها بحب متخافيش غالبا سربت سلمي عملتاي قرفه وجنزبيل و صممت اشربه و غالبا هو السبب يعني دم كتير شويه بس مش نزيف متخافيش كمان عندي الم فظيع في بطني و عايزه مسكن

ايمي…لا تعالي مسكن ايه اشربي اليانسون ده هيريحك شويه

ليله…كويس انا يانسون مش قرفه

ايمي….القرفه حلوه علي فكره بس انا عنلتلك يانسون عشان يريحك

ليله…..ااا هو فين الفرش حطتيه فين عشان اغسلوا احسن الدم يمسك فيه

ايمي…..غسلته خلاص علي ايدي و نضفته و بعدين حطيته في الغساله يلا تعالي و كلي من التمر والبسكوت ده عشان اليانسون ميهبطكيش وانتي نايمه..

ابتسمت ليله و خرجت نفس عميق خارج من قلبها و طلعت علي السرير و طلعت جنبها ايمي

قربت منها ليله و نامت علي صدرها خدتها ايمي في حضنها وفضلت تمشي ايدها علي راسها

ليله…..ربنا يخليكي ليا

ايمي….ويخليكي ليا يا عمري يلا قومي كلي حاجه و بعدين اشربي بقولك ايه في مايه مغلبه لسه في الكاتل احطهم في الاربه دي واجيبهالك تحطيها علي بطنك

ليله…. بابتسامه تجنن انا خفيت خلاص

ضحكت ايمي ضحكه جميله

ايمي….طيب يلا يا صايعه انا مش عشري يا بت كلي يلا