لقاء كارثي

سلمي….غطتها و باست راسها مش عايزه اي حاجه

نعيمه….لا يا قلبي روحي نامي يلا

سلمب…طيب ادخلي جوه شويه متناميس عالحرف كده

دخلت نعيمه شويه في وسط السرير

سلمي…..نوني انام معاكي ؟

نعيمه….لو عايزه تنامي نامي بس انا كويسه متقلقيش

سلمي…طيب انا هسيبك براحتك بس ممكن تنامي علي طول

نعيمه…هنام والله انا اصلا مش قادره

سلمي…باستها تاني من راسها ماشي يا قلبي ارتاحي تصبحي علي خير

نعيمه….وانتي من اهل الخير يا قلبي

خرجت سلمي و راحت علي الاوضه مع ايه تنام..

……….

علي الساعه 8 ونص الصبح حست ليله تاني بالم جامد اتقلبت بتعب و هي ماسكه بطنها و حست ان في حاجه مش مريحاها قامت بهدوء

بصت علي السري لقت في بقعه دم مش كبيره اوي لكن واضحه و هدومها كمان

غمضت عينها بضيق فظيع و خنقه ايمي نايمه جنبها و اكيد مش هتعرف تقومها تغير الفرش و لا هي هتعرف ترجع تنام في نفس المكان تاني غير انها بتتالم قامت براحه وبعدت الغطاء عن الدم و راحت علي الدريسنج طلعت بچامه و لبس نضيف و دخلت براحه علي التويلت تاخد شاور و تغير بس كان عندها الم جامد في بطنها ققلت الباب عمل صوت غمضت عينها تاني و بعدين بدأت تتحرك براحه و تقلع هدومها عشان تاخد شاور

بس الصوت بتاع الباب خلي ايمي تقلق فتحت عينها و اتخضت قامت بهدوء بصت حواليها لقت نفسها لوحدها خالص في الاوضه و محدش من البنات موجود رفعت نفسها و بصت علي الموبايل جنبها لقت الساعه 8 ونص سابت الموبايل و شالت الغطاء خالص عشان تشوف هما فين سمعت صوت مايه و لمحت علي السرير دم في الاول اتخضت بس البقعه مش كبيره فا توقعت ان الباد بتاعت ليله سربت وهي بتاخد شاور

قامت بهدوء و مسكت اخر جزء في ضهرها و مسكت بايدها التانيه اخر جزء من بطنها كانت حاسه بتقل فظيع و بطنها شاده عليها و قفت كام ثانيه مغمضه لحد ما حست ان بطنها فكت من التحجير بتاع البيبي اللي كانت حاسه بيه و بعدين سحبت الغطاء حطته علي جنب و سحبت الملايه و الفرش بتاع المخدات وراحت بهدوء علي الدريسنج طلعت فرش نضيف قربت بهدوء فردت الملايه و فضلت تظبط فيها واحده واحده و بعدين حطت فرش المخدات ورجعتهم مكانهم

حست تاني بتحجير في بطنها مسكت في السرير شويه وهي مغمضه و ضهرها محني ثواني و فكت خدت نفس كذا مره و بعدين قربت رجعت الغطاء مكانه